Thursday, 25 October 2007

德國遊記 day 1(12 oct 2007)

-----德國遊記 前夕 -----

這是每年E和我的生日大旅行,上年去了越南和吳哥窟。
今年在4月其間看了Luchino Visconti 的<Death in Venice>後,我的有個低能的主意,係要今年十月旅行去 Venice 扮片中男主角最在片尾時,一手叉腰一手指著夕陽的姿態。但後來發現 Frankfurt 書展也在10月,於是改變主意去德國。

由於我太懶,英文又唔好,所以在旅行前所有準備,包括訂機票、訂酒店、唱 Euro ...等等全由 E一手包辦 ^_^
在去旅行的前一天,作為廢人的我仲係懵懵下,仲係要因為有同事問起「喂你去德國搭咩機呀?幾點呀?你唱左錢未架?」
我唯有答「依,係喎,我唔知喎,我帶個人去羅 ^_^ 我要夜D問下男朋友先得。^_^」
同事話「哇!你就好啦,有人幫你plan好晒!我次次去旅行都要一齊plan架(唔話係一齊會比佢話)...」

德國10日遊,有時趕,有時 relax,由E努力策劃:
day1: 到達Frankfurt (夜機去到冇野玩)
day2: Frankfurt 書展,晚上去 Zum Gemalten Haus (1936年開的蘋果酒店)
day3: Wurzburg
day4: Rothenburg
day5: Augsburg (只留左2個幾小時), Fussen(就係去新天娥堡個度)
day6: Fussen-> Hohenschwangau->Neuschwanstein->Aples
day7: munhic (冇過夜, 搭夜車10小時去Berlin)
day8: Berlin (Bauhaus museum->aquarium+zoo->Sony center)
day9: Berlin(Museum Island->Writtenburg->Mitte)
day10: Berlin(Hackesche Hofe)->Tegel 機場->Frankfurt 機場->HK



-----德國遊記 day 1 -----
-----12 oct 2007, Friday, 天晴-----

13:30
香港上機,Luthansa 航空直航德國Frankfurt。
上機後我發現原來座位上係無電視架!我有d失望,幸好Simpson Movie 在機上的細電視上演,我地照睇多次,覺得一樣咁好笑。

由於Frankfurt Bookfair 的關係,就近市中心的酒店於書展前一個已全爆滿,而在E能夠book到的酒店List裡,大約離市中心20km的一家餐廳+酒店 Hotel Restaurant Barbarossa 已是最近市中心的了。我們都不是開車的人,不大弄得清楚1km的的距離到底有多少。反正已經無選擇,於是我們訂了12-13日2晚。

德國和香港的時差是慢6小時,到達Frankfurt時還是12 oct 2007。

19:20
到達Frankfurt 機場後,轉S-Bahn車往Hanua Hbf -- Frankfurt 市區S-Bahn車站最邊沿的一個站之一 (>_<) 以下的相是第二朝出發時映的,我們到車站時已是天黑,天氣變得好涷。
21:23
到了 Hanua Hbf 時,E打電話給Mr Bruno,他駕車來接我們往他的 Hotel Restaurant Barbarossa。原來20km的路程是很遠的,坐了大約20分鐘車。如果套用香港的地理黎講,感覺上就好似係中環搭左地鐵去荃灣,然後再坐車去天水渭,然後將個真實距離乘大10倍。

Mr Bruno著著廚師的衫黎到,E話佢個廚師造形十足十佢放係網上的相。我們以英文溝通,問Bruno有無黎過香港,他說他曾經黎過,也去過上海等多個亞洲國家,因為他年輕時係水手,後來才返德國開餐廳及旅館。我們不是他的第一個來自香港的旅客,之前也香港人住過他酒店。由於我們下一站在Wurzburg 住的酒店也叫 Barbarossa,於是我們問Bruno "Barbarossa" 的指甚麼,他說是「emperor」的意思(網上字典:Barbarossa:巴巴羅薩(1123-1190,即德意志國王腓特烈一世。)所以這個名字好多人會用。

20:30左右
我地終於去到 Barbarossa,那兒真的是鄉郊內的一條村。酒店及附近的屋都是這樣子。

Bruno 的餐廳是在馬路邊的一間屋,我們住的是一個位於餐廳對面的一間兩層高的獨立house,地方很大很舒適。(相片明天補上)睡房和飯廳在高層,低層是好大的洗手間。這是我們住的House的門口。

放底行李後,我們去了Bruno 的餐廳吃了我們在德國的第一餐。由於我們在飛機上已經吃過飯,不過天氣好涷所以想食小小暖暖肚,加上剛到步,一心想即刻試試德國美食 ^_^
E對 Bruno 說:「我地唔係好肚餓,諗住食小小,不如你話事,煮小小德國特色菜。」
點知......
我地得到的係:炸豬排+薯條 X 2份 >o< (個時我同E大驚:下!唔係卦!),配酸菜莎律,啤酒和熱朱古力 雖然「炸豬排+薯條」本身唔係難食,但係亦唔會係「美食」,似 Fast food 多D,份量又大。真點都估唔到呢個先係真正的德國地道「美食」,我地本黎以為佢只係其中的地道食品之一啦,但係經過10日後,我地發現每到的所有(重覆係「所有」)餐廳內,附近左右不論大人或小朋友一定有人點呢個「炸豬排+薯條」,好可怕!!這個真係名符其實的德國地道食品(我唔想叫佢「美食」)!而10日後事後檢討,以作為係餐廳食野黎計,覺得呢個「炸豬排+薯條 X 2份」全程最灰個餐。好彩旅行第1日的興奮心情掩蓋一切。 不過啤酒和熱朱古力都好好味,這是我的熱朱古力,附上3種不用的糖,好特別呀。

番查我地個本德國旅遊書--基本上係我地遊德國的天書,《德國Germany(JTB world Guide 世界自由行14),精英出版社》台灣書黎架--全無提過這個成碟係黃色的「炸豬排+薯條」係地道食品!大概個作者本身都唔仲意呢味餸!^_^

我地的睡房好大好舒服,客飯廳有爐可以著食,有雪櫃(附送水,不另收費),洗大間內仲有洗衣機(可以用,不另收費),但都無咩時間可以享用到,如果作長期渡假真係幾休閒的。而暖爐要開得耐先開始覺得暖,當然這是後來去了不同的酒店作出比較而得出的結論,因為其他地方的酒店房間真的只是「房間」而不是 House 咁鬼大,所以暖爐很快令房間變暖。不知是不是因為酒店 Barbarossa 是偏離市區,雖然在洗手間在開著暖氣,洗澡時的水開到最大的流量還是好小,總是覺得涷,我們唯有輪流快速洗澡。Barbarossa 的早晨唔錯,仲有新鮮(我覺得係鮮榨)的果汁。E話 Barbarossa 係一間3星的酒店,所以早晨係應該會有番咁上下,不過都唔算有咩特色喎。

價錢方面算係唔貴,我地的double room1晚連早餐75euro,由車站往Bruno 酒店的車程每程收10euro, 咁其實住1晚連來回車費就變成 95euro, 係唔平架!!day2我地離開時由於時間太早,Bruno 因為要準備早餐而留在酒店,並幫我們call Taxi。Taxi (顯示車外氣溫4ºC)去到車站要成24euro呀!所以Bruno唔算收得貴,而可想而知佢間酒店離車站係幾咁遠!!

經一day長一智,我地得地的啟示係:
1. 要自己點菜,即使係叫店內的廚師推介,都要問明係會食咩,以免再食特色的「炸豬排+薯條」類!
2. 點菜時可先叫1份,因為德國菜的份量好大,上菜後唔夠食先再叫。
3. 除非好好味,否則最好不要2個人同事點相同的餸,一黎可以試到各種餸菜,二黎係當其中一樣唔好食個時都可以食第二樣。
4. 酒店一定係要選近一點車站或市中心的。

(寫到我死,終於day1寫好,請繼續看「德國遊記day2」啦 ^_^)

No comments: