晚飯約了E和A在旺角的盛八吃燒肉。
A未見我時就已經在電話內講：你又剪頭髮, 洗唔一個月剪3次呀？多錢得滯呀？
我話：邊有３次，月頭同而家月尾２次之麻。又唔係剪過晒，修下次麻。
今次我們都是去住於旺角的盛八。叫左幾味上次無叫過的肉食，味道仍舊唔錯，証明未有因為客人多而水準下降。
這碟牛舌的味道非常好。
這碟雞肉（我忘記了係咩汁腌）都好好味。
腩肉，上次都有叫過，上次叫的是肥瘦分明, 而肥的部份也特別多，是正宗的肥美五花腩.，加上沒有汁腌過，一不小心就會燒過頭不好吃。今次的汁腌腩肉肥瘦夾雜，好味d，也較容易燒得好美。
例牌要食的牛肉及牛肉條。今次無要牛肉粒，其實牛肉粒都好好味的。
臨時加入的邪惡Terry，夾埋E、A和我共有４人。Terry的加入係廢既！因為佢已經食飽，唔想再食野，主要係等E一齊走，咁佢無所事事左一陣終於頂唔住，加入我地並變成「邪惡巴西燒烤王」， 超快燒燒燒晒我地 d 肉，趕A同我走，自己要私底下同 E 幽會。>_< 我要殺左Terry！！破壞我地來盛八燒肉的樂趣，我唔制呀！ 邪惡巴西燒烤王Terry↓,又燒好一件迫我地食, A 慘被屈"肉",感覺非常無奈...>_<
為左平息我的不滿，我同A就去行街買衫。結果A送左條被肩給我當作聖誕＋新年禮物，而我就訂左睇中的２件冷衫：黑色的 Ehyphenworld 的黑色冷衫，同埋 natuRAL vintage 的長身墨綠色冷衫（E後來話送比我，yeah！）。其實仲有睇中其他野，但係唔可以買太多呢^_^ quota 有限。Shopping 完後我好開心，咩唔開心同煩惱都忘記晒。真係諗極唔知點解會咁 ^_^ 只要唔洗突錢，小小 shopping 就是福！yeah！
----------------------------------
盛八--日式燒肉店
地址：旺角山東街38號38廣場3樓(朗豪坊附近)
電話：2382 3338
