新一年將至，唔知係咪因為都要送舊迎新，或者係要將唔好的事在年尾了結，命運的按排將不幸的消息打孖上。先是South China Morning Post的新聞工作者Kevin Sinclair 於12月24日逝世，然後是今日得知攝影師 JC 逝世，同事同我的第一個反應係：好人都死晒，要死的又唔死 >_<
JC 係我覺得最有國際水準的香港攝影師，這3年內我為麥玲玲設計的運程書封面的相，都是由他映的。而 Kevin 則在2005年替他設計過一本書《Letters to the Editor》，合作算是順利，他是很nice的人，對於老香港的事物十分熟識，他是《Post Impression》《Letters to the Editor》的主編。
如果真係因為前世種的「因」而今生有「果」，點解報應唔可以快ｄ黎，或者係今世現眼報左，唔好留隔世呢。
S話：如果人唔執著，生老病死都唔係苦。
執著無有咩唔好呢？我只係想真真實實咁活係現在呢世，唔想理咁多世，就算有咁多世都唔鬼記得啦，總之今世事今世報就最好了。當然「世事不會盡如人意」這句話好老土，但係事實，我唯有盼望明天會更好。T_T
