Thursday, 17 January 2008

等出Bonus 的日子

好窮呀!好窮呀!!
本黎已經無帶信用咭係身,但係新年前見大減價,實在太平,於是上星共期日在銅鑼灣SOGO隔離看書檔時,去了Bauhaus度唔覺意買左2件衫 >_< 我真係勁無鬼用,明明話過唔買野...仲係叫同事幫我碌咭添呀!我真係中晒毒啦!!買個時好開心好仲意,有種「哎呀,我得到啦!」但係買完之後真係百感交集呀,係度諗點樣收埋新衫,或者收埋一件遲D再著,或者扮無買過,或者話人地送(但係個會信呀!)越諗越複雜,結果我諗算把啦,直接講出黎啦,唔買都買左,如果變成咁唔開心就真係好灰...但係又覺得好有罪惡感... 哇,真係開始精神分裂... 於是打比E,竟然要佢安慰左一陣先好... 但係內疚的感覺特續到晚上訓覺前,証明我係好失敗,將買衫的行為演變成好似吸毒咁...T_T... 呢世都無錢淨啦!
幸好呢幾日的天氣較涷,都係12、13度,可以著新褸呀!仲比同事讚話件褸靚,真係咩都抵番晒!^O^

講返我洗錢真亂咁黎,零計劃之餘又懶。以買書為例,以「作為工作上的參考書」為理由而買的不計其數。對於喜歡的作者會買齊原著及中譯等版本 ^_^ 每個月的購買書List永遠在update中又永無買齊,因為不停咁有想買的書,仲要因為懶,去D貴的書店,似如Page One及Kurbick。所以有時會叫編輯同事行開樓上書店幫我買,都真係好馬煩佢地,因為又要幫我買,買完要羅番家後再帶返黎公司比我,D書真係好重架麻。^_^ 所以我自己又會忍唔住行過見到就買... 買買下,在家的書架滿左,在地下起個由書組成的書架都滿埋,而家仲諗緊計,可能都要清走小小啦!(以前一次過掉晒幾年的《黃巴士》而家諗起都覺得好唔捨得呀!>_<

昨天返工遲大到,成11點先返到。
今天都唔太早,9.45... 一出(車立)仲撞正大老闆係度等(車立)。認真醜怪,我唯有唔好意思咁對佢講:「早晨呀。」@_@ 一早就衰左啦!
公司的氣氛好頹廢,返工等放工,放工希望Bonus已經入左落自己戶口 ^O^ 不過仲未出呀!Bonus你快D到啦,我今年過新年靠晒你架啦 ^_^ 你可以遲到,但千祈咪唔無到呀!!

PS,
經過我的努力,而家我的 my mini city SIUDING每天的人流量係30個人左右,而且來自世界各地呢,實在非常好呀。

5 comments:

suewai said...

我成世人出過一次bonus咋,仲要得千幾蚊。

小丁 siuding said...

唔係卦, 咁你係度做個時都有出過架啦 ^_^ 無bonus都唔知點過新年呀!

suewai said...

我無係度做過啊,之前做elle,唔係cosmo啊

小丁 siuding said...

哎呀, 係喎. 唔好意思, 你個名有時我睇錯以為係舊同事添 ^_^

貓空子 said...

呵~~~ 女仔對衣服的特價是最沒有抵抗力的... 哈~~

沒辦法, 畢竟"女為悅己者容"嘛!就算不為心儀的人,也該先愛自己, 不然很容易變腐女啦! :p