尋晚去左睇《長江7號》，睇到中間已經比個「七」字佢，睇完個時我忍唔住要講聲「妖那星」，真係一d都唔好睇，晒錢晒時間！或者應該話，唔應該係周星馳拍的戲羅。周竟然要拍d咁既野，令人好失望，擺明只係為左賺錢的戲，唔洗佢拍都得啦，佢是旦搵條戊利拍，自己做監製咪算羅。橫店而家都係是旦搵ｄ位，翻炒以前用過的笑料就當係有「周星馳」style之麻。唉，呢套戲真係佢自己劃花自己個record。我有朋友話上次《功夫》上映時佢睇左３次，今次呢戲「七」野都唔洗恨啦，如果下次佢上新戲我地仲要諗過度過先敢去睇呀，真慘，香港又無左個有好戲的導演...T_T...
另外，周係戲裡面成日講：「雖然我地窮，但係唔可以講大話，我地要有骨氣，唔係我地的野我地唔會拎，要努力讀書，將來做一個對社會有用的人。」呢句野真係佢用黎串番自己羅，因為呢套氣裡面根本無「骨氣」無「吉士」試新野，只係因為要唔窮，想賺大陸市場的錢，明明唔係自己style的戲都要拍，擺明握自己。一句講晒：「我唔要做窮人！」^O^
今日得８度，下午同E一家飲完茶後去朗豪是旦走個圈。哇！鬼死咁多人，又落雨又涷，於是急急腳返屋企，懶係度陪著貓貓同暖爐 d(^o^)b
Club 8 首 Saturday Night Engine好襯今晚。
Club 8 - Saturday Night Engine
