Monday, 17 March 2008

E 買到了「我的最愛」

左搵右搵,覺得好似借左比朋友,於是找朋友問左再問,然後在家中又再搵,紅色Bach 既《Six Suites for Solo Cello》失蹤了!然後前幾天朝早打算借出坂本龍一既《1996》給Y,等佢都可以聽下d咁好既野,點知都係搵唔到...>_<... 其他坂本既舊碟加埋連台灣老翻版本既YMO都有,就係唔見左我最仲意既《1996》...T_T...我唔制呀!記得以前呢2隻CD既歌都係ipod長期聽著,舊PC機內都長住係度。而家遍尋不獲,無得加番佢地係imac+新電話內... 本黎已經打算一定要買返《Six Suites for Solo Cello》,加埋連《1996》都唔見埋,咁真係忍無可以忍了。Office hour內忍唔住打電話去中環既HMV Classical部問,得知有幾個版本,我唔見左既紅色單碟雙CD版本已經無左了!本黎諗住放工時間去望下,但係要OT,唯有叫E去幫我買。透過E既電話,我問Classical部既店員阿邦(記得幾年前我好似係尖沙咀店買舊既Bach時都係由佢幫手找CD既.^_^希望我無記錯啦),經佢幫忙找,就買左呢套《Bach,Complete Sonatas, Partitas, Suites for violin, cello and guitar》既已6 CD set,內裡有1985年由Mischa Maisky演奏既《Six Suites for Solo Cello》同埋其他2個artist演奏既Bach。
不過我的最愛還是碟3及碟4既《Six Suites for Solo Cello》,應該同E一樣係畢生的最愛之一了。^O^呵呵


話說3年前,我上了龔志成開既音樂course,當時我還在學習網琴中,學了一年因為工作太忙加上家中無綱琴而要放棄。初初就係彈Bach,已經愛到佢死,然後經龔在課當中介紹了Masiky既呢個演奏,今日在youtube可以看到,以下呢個就係由Maisky 所拉既《 Bach - Cello Suite No.1 i-Prelude》 3年前去HMV時一心諗住買Maisky所奏既《Six Suites for Solo Cello》,當我手羅住Maisky CD既時侯,一個大叔係我旁邊行過,佢羅左架上另一個artist既紅色單碟雙CD比我,話呢個人係無咁出名但仲好聽,問我要不要試下,於是我就買左佢介紹個隻。即使我在網上也難以找到我唔見左既紅色單碟雙CD版本,於是連個artist名查唔返了。

今次我終於買返本黎想買既Maisky版本了,實在係3年後我連佢叫咩名都忘記左,我唯有同店員話佢係有好多鬍鬚既黑髮鬼佬artist,佢都諗左幾諗先知我講邊個。聽左一次後,發現紅色碟既artisit比起Maisky既演繹平實,傳統正規而細膩,可能因為我已經聽過過百次了,覺得這種平實既演奏內歛,把情感埋伏在規律的音符內。而 Maisky 既演繹則較有個人風格,高低強弱和快慢更分明,確實是較動聽的。現今世界上以演奏這套《Six Suites for Solo Cello》除了Maisky以外,就是馬友友了。不過我偏愛Maisky的原因只因為上次沒有買到,待我把Maisky版聽熟後,再買馬友友版作比較。


我曾經擁有既舊版《1996》係普通膠盒,封面和新版一樣,但內裡拉頁小冊子既樣子就忘了。
以下呢個係《1996》2007年最新日本版,在HMV買要HK$290,記得舊版只係百幾蚊。新版係紙盒裝,連放CD既tray都係用紙造,好高級(記得之前買了一隻Múm既《Go Go Smear the Poison Ivy》都係紙盒裝,而裝住CD既位係環保物料造成既tray,望落去似發泡膠,不過店主Y話應該係類似庶渣既環保物料,佢話係歐洲好興既,不過係亞洲呢邊無采用)。新版封面加左紅色banner,內裡既小冊子感覺好以多左野,若果我無記錯,新版多左幾首歌,本黎還以為係封面既sticker所講既《美貌の青空》。由於舊版全部歌名用英文,所以我唔記得呢首《美貌の青空》係乜鬼黎,聽左後原來唔係新歌,似乎只係因為呢首咁舊既歌成為日劇《パベル》既劇中歌而特別標示出黎。真正新收錄既歌係《Parolibre》《Acceptance (End credit) - Little Buddha》《Before Long》和《Bring them home》呢4首。我在網上翻查過,舊版只有12首歌曲,新版有16首!所以貴左係值得的。今次真係不幸中既大幸,若果舊版無遺失,我就唔知有新版,都未必有機會聽到呢4首歌了!

這是坂本最著名既《Merry Christmas Mr. Lawrence》以下係佢1996年world tour 既三重奏演出,這首永遠都令人感動既歌曲是沒有聽厭的一天。

5 comments:

kikiwong said...

馬友友的版本可又是很不同了 : )
他所奏的《Six Suites for Solo Cello》充滿生氣,爽朗輕快,令人如沐春風,你真是要聽聽

小丁 siuding said...

好啊,你係咪有可以借我聽下呢?

朋友a said...

喂喂 你真係唔記得左啦
隻The 6 Chello suite 你擺左向我公司啊
連埋兩隻Rachel's及黑鳥

小丁 siuding said...

係咩, 咁你快d還比我啦.我好想要黎聽啊!

Carol said...

小丁,你原來都聽classical! Edward Elgar 的cello concerto 我愛死了,還有Maurice Ravel的Bolero我在小時候在電台聽到就迷上,尋找多年但一直到大學在cafe唔覺意聽到問counter我才知道是誰的傑作~~感動得要死!像找到兒時寶盒!Chopin 的Polonaise#53是瑞士司馬錶N年前廣告音樂(有個鬼佬捧早餐去床邊俾個鬼婆食,又係一聽愛上)..哈哈我重勁鍾意jazz & blues..你的cd cover好靚..我好想聽聽裡面0的音樂...我都係遲左10年先鍾意suede的britpop & alternative...