呆等傻豹的香葱叉燒炒一丁

尋晚我的電影節終於開齋，看左套俄羅斯片《Gloss超模夢》，都唔算好看，似d港產+奇情+ｘｘ...總之炒雜錦咁。因為晚上仲要係家做野，草草食完個難食既淨牛雜就返屋企。牛雜的味精太多，返到家我境然要飲一個冰涑既橙味果汁酒才可以開始工作，做好個layout己經３點左右，唉...時間過得好快。
尋晚時間唔夠用，今日返工係時太多，ｄ人覆得好遲，結果我係返10放7，但係而家已經10點黎緊仲係呆等緊。己經放棄灰既心情...同埋我一齊戰鬥既同事一齊叫左外買，等餐ｘ２+ 香葱叉燒炒一丁，我叫既香葱叉燒炒一丁係好靚仔同好味架，仲好香架！
我忍唔住，一黎因為都幾肥餓啦，我張一個大飯盒內既炒一丁全部一個人食晒！^O^ 同事既特餐：餐包仔+火腿絲奄裂+沙嗲肥牛出錢一丁（唔係罐頭係真既肥牛肉，只得幾片但個樣好靚）+熱飲（T要了熱檸水／S的是熱奶茶），佢地都話勁讚好味喎。雖然好食，但我地既處境其實好慘．．．做做做，直到11點幾我地鎖門。於是今晚既「電影夢」無左。