Thursday 13 March 2008

Last Happy Friday with A

極有可能係因為呢條灰色Muji格仔裙令我星期五整天心情愉快!呢條裙係係Muji冬季減價時買到既秋季collections,150蚊,買時剛好就係著住而家襯係上身既黑色開空中袖,當時覺得咁樣原來幾襯喎。係臨比錢買個時都因為灰色好定係黑色好諗左陣,結果因為覺得灰色襯起黎柔和d,所以買左灰色。 由星期四晚放工係北角排隊買到雞蛋仔時就一路諗住明天要著呢條裙,我都唔知點諗會忽然諗住要著。第二朝雖然遲左起身,但係仲早左返到公司, ^_^ 呵呵。之前好多時因為襯衫差d遲到,有時明明晚上襯好左,但係第二日既心情唔同左,咁就搞一大餐先出到門口,然後趕餐死返工 >_< 這是A拍底有關北角雞蛋仔檔既佈導↓ 長期人龍既北角雞蛋仔檔,有4個夾雞蛋仔夾不停燒燒燒燒↓ 雞蛋仔要$11一底↓,$20兩底。我排左15至20分鐘先有,因為d人未必買一底既。呢度既雞蛋仔既奧妙之處係,個雞蛋仔外表好脆,脆到好似餅乾咁,但係咬落去裡面係又熱又軟,係好好味既。不過一個人係食唔晒一底,因為太乾,食食下好口乾,食左一半後如果更梗食就會比d超脆蛋仔插損個口,所以最後我掉左小半底>_< 這天下午由同事介紹自己一個人去左北角馬寶道既「德興隆上海豆品」食午餐,本黎我係腸胃炎剛好番無咩胃口,諗住食碗豆腐花就算 ,一坐落,就覺得好懷舊好好feel。見到個鬼死咁大既蒸籠咁一定有大包之類,於是叫左個豬肉大包。

然後另一個大鍋內既鍋貼+生煎包煎熟左,我就多要左一隻鍋貼(太好了可以叫「一隻」咁就唔晒浪費)。除左豆腐花真係滑(都係我家附近既「義香豆品」再滑一點),講真其他野既味道麻麻,仲比我見到佢地係雪櫃內將d鍋貼同生煎包羅出黎用,即d鍋貼同煎包都係雪住再煎,唔係新鮮野。係呢度食野勝在個舊鋪,見d人羅住用木架戴著一底底既豆腐,聽住佢地話好重架喎^_^係開心過淨食野。連猜麵粉既枱都係用木做,把刀zip住係綠色瓷磚牆上面既喉管,好家庭feel呀,好似返左婆婆屋企食飯咁(其實我無返過去婆婆度既^_^),其他店員係扮演著親戚係度幫忙。
由於心情太好,雖然係公司為左買一張stock photo搞左大半日,但個人總係飄飄然咁,仲懶得等(車立),係4樓同8樓之間行上行落時,發覺原來我所工作既大廈「北工」﹣﹣北角工業大廈,既後樓梯係棗紅色邊鬼咁靚,感覺好七十年代,簡潔實用既計設,又有點似政府起既樓。由後樓梯推門入去,發現原來個(車立)口位都好靚,搭左大半個月(車立)既我竟然無發現到。地下既紅色8字襯埋紙皮石地磚非常industrial,我原來係真正既工業廠女工!


因為要趕一個feature,遲左收工,CWB既shopping既計劃失敗左。A同我去完買5蚊雞蛋仔同埋2蚊串要左2串燒買加1串魚旦食完之後,我地去左Beams Boy,我試左件條灰色外套,好恨要呀但太貴了,要諗諗……我地決定去Mc Café,因為個d 「Sweet Jane」之類既二樓咖啡店有點膩了。係Mc Café一上樓見到大排長龍,A同我一齊忍唔住嚇左嚇,我話:「哇,而家係lunch time 咩?」真係流晒汗。A話應該係d人趕住買咩足三両牛肉漢堡喎。跟住我地好似久別重逢咁傾左幾粒鐘。Mc Café既咖啡係OK既,但係個藍苺cheesecake無論個樣同埋食落都覺得係細個時玩既一種膠杯裝泥膠。細個時大人成日話:「玩下好啦,記住唔好食落肚!」哈,今晚終於有機會食返次啦!呵呵...但係係無味架!