坐底後一睇到個manu，佢地一齊話：「哇好似好多野好好味呀！」
傻豹：「我想食意粉，今日個feel想食。」
復活兔：「好呀好呀，你揀啦。」
傻豹：「我唔仲意白汁，唔想食海鮮……有啦有啦，要呢個什菌啦。」
復活兔左翻右翻個manu：「好呀。」
傻豹：「喂，你睇下，呢個“朱古力漿香蕉西多士”好似好好味呀！」
復活兔：「係喎，好想食呀，叫啦叫啦……」
傻豹：「咁我地揀多樣野就得啦。
呢個啦，呢個“燒南瓜什菌沙律”幾好喎，我同你都仲意南瓜。」
復活兔翻到最前一頁的前菜：「係喎，好呀。」
傻豹：「但我地個意粉已經係什菌啦喎。」
復活兔：「咁呀，我地選另一個羅，你又唔想食海鮮，咁你大蝦都唔想食架啦，咁要個墨魚汁羅。」
傻豹：「但個墨魚汁好似都係齋黎……咁我地真係好齋喎 ^_^ 呵……」
復活兔：「但係個肉漿好似危險喎，係呢ｄ地方叫，未必好食喎……」
傻豹：「咁唔會太差卦，最多似大家樂個味……」
已經過左20分鐘，我地仲係度揀緊…………
傻豹：「咁不如我地去望下ｄ甜品，用甜品的份量黎衡量可以食到幾多咸野咪得羅。」
復活兔：「好呀……你睇，呢個好似好好食呀，我要呢個“士多啤梨雪糕配忌廉紅豆薄餅”個樣好靚好吸引。」
傻豹：「係喎……咁我地要唔要waffle呀，不過所有什果都有我唔食既芒果係度，但係如果要士多啤梨，又已經有士多啤梨雪糕了…………」
復活兔：「個waffle同個餅都好似樣喎……」
傻豹：「咁如果你要左“士多啤梨雪糕配忌廉紅豆薄餅”咁我地仲有個西多士，咁不如我地放棄個“燒南瓜什菌沙律”啦，如果唔係食唔晒架。」
復活兔：「咁好呀…」
傻豹：「你望下個蘋果批……」
復活兔：「我都係睇仲佢呀，好似幾好食……」
傻豹：「咁不如我要呢個“雲呢拿雪糕配薄脆蘋果批”」
復活兔：「好呀！」
傻豹：「諗諗下個“朱古力漿香蕉西多士”咪又係普通西多士加個蕉，不如唔要啦……」
復活兔：「咁又係……」
傻豹：「咁不如我地選多個甜品算啦。」
復活兔：「咁爆？三個甜品唔食咸野做晚餐！……都好喎，好主意呀！咁我地揀多個咩呀？」
傻豹：「呢個“焦糖蛋布甸配炸脆皮香蕉”好似幾好，有布甸又有炸香蕉，咁我地有的一個薄餅，加埋蘋果批都無重覆到。」
復活兔：「一於咁話！」
佢地應該用左半個鐘以上，差不多將個manu背左然後終於揀到。咁呢晚的變態森林聚會的主題就係甜品晚餐了。太好太開心了!
甜品１：士多啤梨雪糕配忌廉紅豆薄餅
甜品２：雲呢拿雪糕配薄脆蘋果批，付加小小香蕉片夾在蘋果片之間，很香，好好味。^_^
甜品３：焦糖蛋布甸配炸脆皮香蕉
已經開始飽，復活兔食個時盡量唔想加忌廉，因為太「漏」了。
最後的飲品：瑰玫蜜糖茶（個茶杯靚過杯茶啊）
無落蜜糖，因為三個甜品加埋已經好甜了。個茶的味道非常麻麻，無乜茶味 .>_<. 得小小玫瑰香味，因為得４粒玫瑰...>_<... 明明見到附近有10蚊一大包粒玫賣的！所以佢地只要了一杯分來飲，在連吃三個甜品後，有個熱紅茶消消滯，清一清腸胃，感覺舒服。
