Thursday 5 June 2008

星期二的CD們

由於星期一看完中醫在吃中藥中,每晚不能像平時一樣咁懶--是旦食個包或者唔食晚飯。
所以星期二也不另外,放工後趕去Page One買pattern 素材後,在Timesquare閒逛等A放工來同我吃飯。
我走入agnès b Sport,打算聽一陣CD ^_^ 其實所有人入agnès b 的人都係買衫的,除左我之外!
這是因為上個月和A入去閒逛時發現裡面會有些新舊夾雜的 CD放在一角的木盒內供客人試聽和購買,價錢相當平,約由HK$80-HK$125,平過HMV或在信和的細店呢!
起初我們見到有些頗舊的碟,例如係199X年出的,於是問店員:「係咪二手的?」
店員:「唔係呀,全新的,但有些可能沒貨得番display那隻。另外全部都可以試聽的,你們要不要試下?」
我試聽後,加上A的推介,我買了Cat Power 的《The Covers Record》。幾好聽。
(會補圖...)

今次我再次入去試聽,店員非常好,為我拉了張櫈比我坐係度慢慢聽。本黎我一邊試聽一邊看agnès b的catalog,但翻了又翻都看晒了,但CD又未試聽完,咁我羅出隨身帶著的散文係度看。過左一陣,我雙眼離開書本望一望間shop,這時我發現到一個可愛+古怪+寫意的風景:店內的其他人在購物,店員幫忙介紹,我在一邊靜靜看書聽歌和整個店像是全沒關系似的,像立在抽離的第三個空間看著這個店,感覺好得意呢。

我以一貫的作風選聽CD,就係 ‘ Judge a CD by its cover’ 。^_^
第一隻選聽了The Legendary pink Dots 《Your Children Placate you from premature graves》。
幾好,係Alternative,唔算吵耳的,感覺不錯,但聽後無留給我好大的印象。可能是因為在店內試聽時太多雜音:店員同顧客的對話,顧客們互相談話和店內在播的音。

然後看了看一個印住Agnès b choice的CD簡介牌,我試了2隻碟。
首先是 Idaho 《The forbiddern EP ~ Alas: Special Edition》這個雙CD 的碟才買HK$80!!超平!當時我只聽了小小就打算買了,因為個CD cover好靚,封面係個完整的蘋果打開就係切開的,封底係一個大雪花。雙CD的大銀色大碟上有個人叉住條蛇,古靈精怪得黎好靚。不過回家後,把CD細聽一遍後覺得不太仲意呢。
銀色的是細碟,只有6首歌,是Alternative & Punk,但仍不算好Punk,係近Alternative多點。有點平凡,不算太怪又有小小pop,真係難以令我仲意呢。
黑色的是大碟,聽落Pop一點,有主旋律,非常易入耳。佢自己歸類為Rock,但不點也感覺唔到Rock係邊,反而係帶點hae feel的舒情,好適合係夜晚聽住看書,寫野或畫畫。^_^ 由於旋律無令人沉迷去聽的優美元素,hae下hae下的歌聲令人放鬆,感覺平靜,但無從令人產生喜愛和厭惡,平平淡淡地hae後就會忘記佢。但我想強調,這個hae下hae下的迷暈感覺,其實很不錯,聽完又永不會記得的音樂,係可以播成世。^O^

另一隻是 FLOTATION TOY WARNING《Bluffer's guide to the flight deck》
這隻的CD cover同樣好靚,內裡的design玩懷舊feel,幾得意。CD內的歌係好典型的Alternative,而且有不少優美的旋律,一聽就想追下去,非常不錯,所以我買走了。

最後,我見個封面覺得似我仲意既野,咁就試左呢隻 Matthew Herbert 《SCORE》。佢自己的分類係Electronica/Dance,我其實唔唔卜識Electronica係乜鬼。我聽後覺得似係有似Classical的元素,有優美的部份,又有小小神秘感,似足電影配樂,整隻CD像在講一個個的故事,我勁仲意的啊! \(^O^)/ 於是即刻買走佢。這是今次CD shopping 之星!\(^O^)/\(^O^)/

買完CD 後A 剛好黎到Timesquare,咁我地臨走時看到在1/F的展品:「洪東祿,黃致陽藝術展」。這個作品令我覺得非常親切,在大商場內的有草地,還可以任意坐坐企企,訓埋係度都仲得。好寫恴意呢!