Wednesday 16 July 2008

亡命70小時+

我手上的所有書展書完晒!!真做到無左半條命!
朋友問我做乜接咁多,唉,原因太多,有d作者太出名,根本唔想推左個job;有d係之前一早應承左;有d係好簡單的,好想做...點知全部gel埋一齊時,真係做到無命!我的體力不斷在下降中。

之前的2星期內每天睡不超過4個小時,只可以係星期六日補番小小,並要在無任何娛樂活動的情況下。
第一個星期的日常時間表係:
起身,10點返工,7點放工,飛返屋企返開工至洪晨2點。星期六日全日開工,但可以訓得足。
第二個星期,開始痴線:
起身,10點返工,有時因為太累接11點才返到,或者因為太累,我10點出門口,飛的士20分鐘返到去,真正係用錢買時間!放工後,飛返屋企返開工,最早也早不過凌晨4點,有時會5點或6點...T_T...
若果星期五六都訓足...咁星期日必定會到4點才訓。

剛過了的weekend最爆,是最後一本書展書的製作,情況係超地獄:
上星期五我太累,訓左無做野。星期六中午起來做做做,星期日早上的6.30才睡。中間的2餐飯在屋企樓下的茶餐聽,食快餐或公仔麵 ^_^ 要快!!哈。
只睡了6小時,星期日下午12.30起身,又開始做,做到第二朝的早上8.30,沖個涼,又返工 @_@ 累得想死!!
星期一放工後,編輯T來我家,我地食左個快飯後,9點開始做野直到第二朝的9.10。
半夜時份,E打電話黎話:我訓啦,你仲做緊野呀?
我:好啦你訓啦,你訓左2次我都未訓過1次呀!@_@ 好眼訓呀!
而在半夜和早上的中間,我趁編輯T係度改字時小睡了2個小時唔夠!!真係好想死 @_@終於知道咩叫終極的 累 !!!

第二朝(即係尋日)我白白痴咁無飛的士返工,結果差不多11先到,比阿頭發現同埋黑面...我又真係有夠衰了 >_< 唉!而返工時間內好彩無乜野做,因為我整個人停止運作!!入厠所訓覺無數次都唔店,實在累到乜都諗唔到只想訓,野都唔想食。7點一到飛的返家食左個好快的公仔麵,返到家才8點,我就訓訓訓到今朝了!
今日10.10返到公司,個樣訓到腫左,但係幾精神 \(^O^)/ 仲係度諗,假期可以去玩了!yeah!出冊啦,唔洗再係屋企坐監,係msn都唔洗再做潛水獄長了 ^_^ 呵呵

不過,今日午飯後收到KK電話。
KK:你呢排忙唔忙?
我:剛做完了手上的工作
KK:我有本書想問你接唔接。
我:幾時deadline?
KK:8月
我放下心頭大石,因為而家人有人想趕書展書係唔奇的!
我:好啊,可以的...
KK:今晚出黎傾下啦咁...
我:好啊...

我看我的累沒完沒了呢...^_^哈