Friday, 25 July 2008

豆豆、蘋果B女跟我返屋企

每日必經旺角轉小巴返屋企,E發現左呢間「蘭亭咖啡閣」。呢度係舊式茶餐廳,有2層,呢度的公仔麵及西多士好好味,而呢度的特色係佢地的蛋撻同麵包都係自家焗製,好多阿伯會係tea time黎食叫個西多+奶茶,或者雞批+奶茶,非常之嘆。 ^_^
上星期日下午,E同我都好想食公仔麵,就係度一人一個,佢要左豬扒煎蛋,我要番茄牛肉。係好好味啦,未照到相我己經食緊了。係個麵未到時,我眼甘甘咁望住隔離枱個阿叔佢食個西多鬼咁滋味,我見咁好味忍唔住都叫左個西多士^_^ 真好好好味呀!!! (味皇有回音個種效果)
另外,E去過呢間茶餐廳的厠所,奇污糟,佢勸我咪去...

那天在旺角的玩具店戰利品:
1.啪啪紙機
繼之前的「啪啪紙機」後,推出這個「支豆機」,同一個原理的是為同一個系列的第二彈。我買了這個原色後,發現原來已推出了好多的顏色,藍、黃、粉粉等,當然我都係仲意原本的綠色多點。呢個系列的「支豆機」內有三粒豆可以「禁」出黎,二邊的是細粒,中間大粒的會有表情,要買左拆開才知道係咩表情,相信要儲齊一套係要買好多才得,因為佢一次過出左好多表情呢!
如圖所示,同「啪啪紙機」一樣玩得好感動!


2.大頭蘋果B女
我係度猶豫買大頭蘋果B女還是扮小紅帽的B女。最後我以「同我家的imac好襯」為理由,買了大頭蘋果B女。我一直好想有個B女,雖然我唔係super fans,唔會為佢係戶外戶內影相,亦唔打算為佢做衫,但係佢初出時已經好仲意,一直有買Gina所影的相集^_^,我想好難拍得靚過佢的了,而且亦係因為有佢的B女靚相,才令B女後幾廿年後復活,並且大熱呢。

No comments: