Saturday 2 August 2008

貓的信匣


大清早,園丁如常到小花園上班,一走進花園,就發現有個紙盒,上面貼左張字條 “your breakfast!” 

園丁勁開心,打開來一看,係6個mini donut。
園丁:哇!正呀!好味
然後打開個盒就食食食。

係呢個時候,貓c係草叢走出黎,問:有無見過我d donut?
園丁口含住咬左一半的donut話:無喎。
貓c:咁你而家食緊個d係你自己買架?
園丁:唔係啊,係個天跌落黎的。哈哈…
貓c:哦,你食左我盒donut。
園丁:咩呀,明明係我個花園,咁就係我架啦!
貓c:哼,偷野食仲唔認!我唔采你!
然後貓c變身信鴿,飛走左。

園丁食飽左後覺得太辛苦,心諗:車,早知比一個貓c食啦…唉,好飽呀…
園丁於是寫封信比貓c,信內寫:
好啦你咪嬲啦,我自己食晒d donut都好辛苦,呢個係一個懲罰啦…我買一個信匣送比你,你原諒我啦。

過左幾天,園丁見貓c無回信覺得有點擔心,於是爬上假貓山,去到貓c的家「貓貓晒相店」找佢。
店無鎖門,園丁推門入去,無任何生物係度。
園丁覺得好奇怪,因為貓c常留係店內的,等左一個下午都未見佢返,近黃昏了,園丁開始肚餓,唯有返屋企。
離開「貓貓晒相店」時留意到有個新的信匣,但係唔係園丁送比貓c的那一個,園丁仔細咁睇住個信匣直到太陽落左山後,信匣變形,係貓c!
園丁:哇!嚇死啦~做乜變左個信匣?
貓c:信匣即係信鴿,所以我有時係信鴿有時係信匣。
園丁:吓!佢地邊忽似呀?
貓c:你咪理啦,我話一樣。
園丁:咁你有無收到我寄比你封信?
貓c:無喎,咩信?
園丁:我知啦,你食左落肚所以無見到!
貓c:白痴咩,我唔食信架!
園丁:唔係喎,你係信匣,信匣食信架麻!
(完)