Portugal + Spain trip
4 oct 2008 (my bday)
----------------------------------------
Location: Lisboa
weather: windy, sunshine (quite hot during the afteroon), cool
起身時已經係11點，噢，無早餐吃了。雖然都知道呢度既早餐唔方好食得去邊，但係點都想睇下，起碼睇下，家下感覺唔抵了 >_<（孤寒婆仔）。 我地住既Guest House Brazil-Africa，係斜路度，望出去見到的斜而窄的街。
將衣櫃既長鏡照向露台，畫面變成分割的幾份，好似空間交錯咁，好得意 ^_^
透光既露台，一陣風吹入黎，好悠閒。
中午12點要出發去食早餐＋午飯。\(^O^)/
我地沿著電車路的大街走去。
東找西望，找到有葡撻和咖啡既地方。好味啊。
行左陣街後，又去食過。
午餐，ham + cheese 係前菜。我最仲意Ham（葡文係jamon，讀做「夏芒」）
我叫左呢味Traditional style sausage，原來係deep fired!! 最憎deep fried，個腸係好多散開既咸肉，咸到死，一d都唔好食！我唔制呀！>_
E 叫既燒魚就好好食，新鮮而且有香草既香味，皮脆多汁，連埋d薯仔都好好味。而家諗起都流口水啊！^O^
呢度係間老舖，有自家製既 "green wine" 個樣似白酒，但係清甜得多，酒淡，飲好多都唔會醉，加埋好甜既密瓜做dessert，正到爆！！
這是 Lisboa 既地標，位於海邊既 Praça do Comércio (Comercio Square) 。呢日陽光普照，所有野既顏色都好靚，天氣涼，但陽光照到既地方就頗熱，所以經常除下外套後又要著返，反覆地又著又除之間，我丟失左件Giodano Lady's 既黑色薄外套，咁唯有去呢度既 H&M 買返件類似既頂住先。（其實係Mango見到一件比較靚的，但係要 30euro左右，其實唔算好貴，同我唔見左個件價錢差不多，不過而家先係旅行既開始，呢種黑色既薄外套即使係香港已經唔見過2次，咁如果過幾天又唔見都幾甘！於是去番 H&M 買好過，當然無咁靚，但係只係 12 euro喎，就算再唔見都咁咁傷！）
其實之前已經係度行左一陣，因為真係有d冷，買左件薄既假皮外套，E 買左條紫格流鬚方巾，所以再去要黑色外套時，比 E 好唔耐煩咁講左句：「喂快 d 啦！我地唔係黎呢度去 H&M 架！ @_@ 正衰人！
我地黎到呢個廣場 Praça do Comércio (Comercio Square) ，係好多巴士站同電車站之間，又行錯左去metro 站，就係呢個行黎行去既時候發現唔見左件外套，又要去買返，又急尿，我地一齊好「萌」 >_<！！
再不停係個廣場又行黎行去先搵到tourist information，查清點上山上既城堡 Castelo de São Jorge (St. George's Castle) 後，就唔洗捱貴既 tourist 電車（要成14 euro一個人，17euro的有海鮮食）可以搭幾蚊（約2 euro）既平電車去到山腳附近慢慢行上去。
呢度都望到city view，都係好靚。
不過呢，真係行左好鬼耐，但係無所謂，因為無其他野好做啦 ^_^ hahahaaaaa
呢度係其中一個望到city view既drinks and bar既位，有好大既樹陰係度，涼涼地又靚，的確唔錯。
不停咁行上山...都行左好鬼耐，應該有45分鐘卦...
終於去到個城堡 Castelo de São Jorge (St. George's Castle) ，要買票入去的，入場費好似 7euro。城堡本身無乜精緻既位係好靚，主要係看到整個Lisboa既city view，所以有好多人係度映相同行行坐坐。
呢度係城堡最高既位映出去，城堡頂同埋我個影係下面既樹頂見到。呢度頗大風，但因為烈日當空而唔覺涷，望住個city view 真係好靚。
黃昏無野做，我地返左guest house，休息左陣又再出去到處行，睇下有咩好食。
行左勁耐，終於去到一間係Leaflet中推介既餐廳，點知裝修緊，無得食。咁又行左去一度好多Fado表演既地方，選左呢間好味既餐廳 Cooheira AlenteJana，呢度真係好味。
係呢度仲遇番我地行去餐廳時問路既人添！E 就趁機問佢地推介d咩好食。咁我地就跟佢地叫左個蝦同埋波蘿魚。真係勁好味！
ham + olives
Sangria （紅酒＋橙＋蘋果）好多菓味。
olive oil + 蝦，好滑，好味。
今之星出場！波蘿魚，勁好味，波蘿既甜味，同個魚既咸味好夾，超好！
晚上行下街，無去聽Fado，行過聽到小小露天既管樂4重奏，之後搭埋個只上落一段好斜既斜路的超短程電車，呢日既節目，全部完晒了！ ^_^ hohohooo
