Portugal + Spain trip
5 oct 2008
----------------------------------------
Location: Lisboa
weather: windy, sunshine (quite hot during the afteroon), cool
由前一晚早訓，呢日朝早9點起身，食左個超簡單既早餐：咖啡+法包。
簡單既早餐都幾好，可能因為食早餐既餐廳對住既客聽好 Grandma's home feel,所以感覺好好，而且可以出去再食過啦^_^
仲可以係度上網，幾relax。E就係呢個時間check去Granada既皇宮La Alhambra。我將會係8 oct個日去。因為尋日上去Lisboa 山上既城堡時，遇到一個來自Colombia 既人。由於係Lisboa的亞洲人好少，差不多只有我地，佢問我地來自邊度後，佢就同E傾起上黎，咁佢勁推介我地要去Granada既皇宮La Alhambra，話係世界五大奇景之一（其實界世奇景到底係五大定七大定幾多大？係咪全部唔同地點呢?真係唔鬼知^_^），叫我地一定要去。
咁於是我地返去看左旅遊書仔，E又上網查過之後，就決定係明天既四日三夜Seville的行程最後一日裡加插一日Granada day trip。我無所謂，反正去邊都係未去過，去下都好 ^_^hehehe
上網查晒ｄ野後，出到去另一個廣場找野食。
找到間好大既麵包店，門口有好多彩色的糖甜，我做一定係勁甜，所以映張相留念就算。
入去買左個甜撻，個樣似葡撻，但係個餡係ｄ杰ｄ既深色蛋黃羔咁，普通餅皮（唔係酥皮黎），都ｏｋ，不過都係葡撻好食ｄ^_^ he
然後我地坐metro去左zoological個頭既站附近既大巴士站買明早8點半的車票去Seville。
11點幾我地坐巴士，打算去海邊的大校堂 Mosteiro dos Jerónimos 同堡壘 Torre de Belém
看下，不過係巴士站就等到發霉 =.= 唉，為左平，點都唔想搭的士，咁就係個巴士站度等等等...
終於去到了，都幾遠的，坐左半個小時，去到己經2點，個頭遊客多，餐廳小，我地去左好多間都full晒仲要門口排緊長龍。E勁”萌”憎，咁我地放棄坐底食lunch，買左女２件大既不同款的馬芥休，加埋一支水做午餐 ^_^ he。因為好晒，係度等咁耐都真係幾辛苦...我個樣好衰啊...XD hahahaa
呢度就係 Mosteiro dos Jerónimos 我們走近時剛有人在行婚禮，勁多人又多車。
裡面好，大不過我地無特別花時間係呢度，因為苶乜特別，只係個天花好勁好靚，ｄ祭壇麻麻地靚。
好快咁離開左 Mosteiro dos Jerónimos。向海邊行呀行，開始覺得累...=.=...再行呀行，終於經過一個好大既草地後，去到一個細小既海邊堡壘 Torre de Belém
E 話對住海邊的堡壘不多，呢個外型幾靚，不過裡面好細，我地無花錢入去看個究竟...覺得裡面無乜好看^_^ha
隔呢有個軍人紀念碑，因為全是spanish的說明，唔知佢講乜。呢個紀念碑既外形好靚，十足足係EVA裡面既侵略地球既使徒咁樣，好有型 \(^O^)/
去玩海邊無無聊聊，係呢個時候，
E忽然醒起話：點解我地唔買今晚既車飛，今晚走，咁明天早一大早去到Seville咪抵ｄ羅。
我話：我有提議過架，你無理我之麻=.=
E：唉，我係度煩緊個市，係度勁跌...又顧住查Granada d料，無諗到。
我：咁點呀？一係去返車站轉返個時間做今晚11點羅。
E：都好喎。
咁我地2個白痴就又飛的士返左遊客區後，再坐metro返去巴士站改車票。
然後又返去遊客區，約5.30pm，我地就食晚飯。返去遊客區的main street，入左一間貌似「海鮮酒家」既店。先要左一jar 白酒溝成的Sangria，然後又左叫左 ham + olives。
跟住就叫左呢個主菜, max seafood boat，不過佢地漏左單，好鬼耐到黎到，我地快快食完就閃返去沖涼、執野，拉埋個行理搭metro去番巴士站。
我話：唉，今日黎左呢度N次=.=
E：唔好意思羅 ^_^he
晚上11點，巴士開去Seville。^_^yeah （不過上到車有人勁講電話，講左半粒鐘有多，仲係用一個八婆聲浪...我地有叫佢細聲ｄ，但係佢隔離個男朋友話：sorry, she is talking on the phone. 妖那星，我夠知你talking on the phone，但致少可以細聲ｄ卦，不過其他人無人覺得佢地有問題=.=唉...咁就唯有忍佢...=.=...)
