Monday, 8 December 2008

樂滿茶餐廳

我家樓下,我經常食的「樂滿茶餐廳 」( 在古老大宅對面)

事實上,同一條街的另一間「中西茶餐廳」的奶茶較好飲, E去過也說「中西」那邊的東西不比「樂滿」差,但係d人就黑口黑面小小。所以我仲意去「樂滿 」。

有一段時間,我們經常去後一條街的「茶記」和「地茂館」。但係幾個月前經濟還很好時,「茶記」開始加價,食一個公仔麵茶餐要成 $34 蚊, 轉一丁仲要加 $5, 哇, 行前小小己經係百佳,我行落去買過黎都唔洗 $5 ! 年中開始,唔知係咪因為五香肉丁脹價,那兒再無「肉丁麵」食, X_X 慘,所以更無「丁丁」(五香肉丁+出錢一丁) 。於是我地好小再去幫襯了。

至於「地茂館」,也少去了,初時E是好仲意的,因為那裡的奶茶好味,但係自從上次我感冒,E係「地茂館」買了皮旦瘦肉粥+雲吞麵+油菜,我食完後勁口喝加皮膚有小小痕,咁真係味精太勁了...

於是我地而家差不多只去「樂滿」,是因為那兒OK,味精唔算多,奶茶唔算好好飲,野食平,有電視看。最重要既係,有2個廚房哥仔認得我地,經常吹小小廢水,所謂社區中的人情味,就係呢種。我特別仲意「自己飯堂」的感覺。除了宵夜,我機乎無再係家裡煮食,懶諗,想食個麵飲杯奶茶,坐一陣,就係去「樂滿 」。^_^
Reporter SE
20081130, 2.30pm


我家對面的古老大宅前。我在樓下「樂滿茶餐廳 」門口拍的,等了好一會才等到所有車駛開,但係在按制的一刻有輛的士走入黎 X_X Oh NO!
180試機,有點under
60/sec, 16/A
20081130, 2.30pm


樂滿茶餐廳似係我家飯堂,這是我自選的「常餐」
19042008

No comments: