唉，前幾天心情唔好的故事。
↓↓↓↓↓↓↓↓↓↓↓↓
今個星期一的的凌晨我仲係電腦埋頭苦幹中，成5點幾至訓。(定係七點呢...忘記左 @_@)
訓前我係FB度見到班女仔既留言問，做乜唔放我地一齊映既靚相出黎呀。
話說幾星期前幫忙朋友拍佢生日會的宣傳片，我就係拍攝時間識左班可愛既女仔。
個日我帶左部 Fuji 7s係身，又剛收到10盒film 作為聖誕禮物，勁身痕想玩。
拍攝都差不多完晒，我地ｄ貪靚女仔們仲係度左映左映好開心，入到fitting room 度又映。
我貪玩，就話：想合照呀，我洗唔洗脫呀？
女仔：好呀。
映完一個又映第二個，由於映出來的相大家都好可愛，有幾個女仔己經話想買番部機。fitting room 內無男仔係度，咁我地玩到忘左形就話，不如一齊映張半裸遮住胸部啦，於是大家當時好開心咁映左啦。真係好靚同好開心既時刻。（都有女仔話唔制架，咁佢就幫我地係門口睇著，男生必近！）
有女仔怕男朋友看到會唔仲意，所以我話唔會放出黎既。會個別send番比佢。最後我只放左我自己的相在FB。幾日後看到女仔既留言問ｄ相做乜唔放出，咁我又留言問有無人反對，都過左成個幾星期無人覆，咁就係係凌晨時份，見到有一個女仔留話，ｏｋ架。咁我就拿拿聲放出黎，我係caption度有留「如果覺得不想，我立刻移走」。
第二朝我還未訓醒，J打來話有女仔打比佢，而且因為太緊張而哭了，咁想我即刻remove D相，我未醒都知道大鑊啦！咁我即爬起身即去delete。同時收到女仔的留言，佢竟然係同我say sorry ，話知唔開我事，但佢好怕，因為已經有人騷擾佢。我即覆佢話千萬個唔好意思，不過佢再覆我時個FB ac.己經block 晒所有人。唉.........
原來朋友話我個日上左高登討論區，仲比人貼埋相作埋故仔......真係啤一聲。ｄ相本黎己經係加密左，o仲明顯係有人hack 左個幾張相，因為連delete左既相都有條不滅既link...勁可怕。呢種手法十足十ｄ八卦雜誌亂作一樣，D人成日話咩香港無文化，香港ｄ新聞係八卦，真係唔知到底係supply 定demand個邊互相支持......嘿！
而我極懷疑係那個發放的人似係我的friend list 內的陌生朋友，我呢個白痴之前唔用腦咁add人終於出事。雖然呢件事唔係我做既，但我就有份，我都有負責，我又唔知發放既人係邊個，咁我唯有先暫停我的fb，lock晒ｄ野，再係個friend list 度找ｄ唔熟既人黎delete。都有朋友問我做乜add 左佢又delete，無計呀．．．因為ｄ相比人濫用左，我自己比人講就算，但係連累到其他人就唔得！所以唔好意思都要delete架啦！
唉，我都唔覺得要強調那些係唔係咸相，各人諗法唔同我阻止唔到。三島由紀夫在《假面的告白中》寫過，他看著聖女貞德的畫像手淫。咁到底聖女貞德的畫像的係咪咸相呢，真係討論黎都side氣。
不過今次我真係有ｄ內疚，因為我咁白痴而連累到人地，仲要人地講唔好意思而唔係鬧我，不如你鬧我一餐啦，你失蹤左我地成班朋友好擔心你架...>_<....
12 comments:
I think you did nothing wrong in this incident. But Facebook is such a horrible place. I don't like seeing every friend's photos and stuffs there. And I don't like my friends to see as well. Facebook makes it so easy for everyone to see the updates on someone. And there is no difference between a "real" friend and "fake" friend. It's a very weird phenomenon to me. I hate Facebook from the bottom of my heart.
Let treat it as a lesson learning.
Let think what you can learn in this lesson.
All the best 2009 !
A person u don't know.
電腦檔案因為有無限量複製呢個特性，
係網上每upload一個私人資料出去，
就好似係太空丟左一張紙出去一樣，
係永遠收唔番，三五七年後，
無緣無故又可以o係網上走番出o黎。
網上嘅空間其實同條街無o羊分別，
我覺得好多人無呢個概念。
所以我地首先要學識o既，
就係點樣保護自己。
野孩子上
野孩子，Jason，
我知架啦，我呢個白痴係學左一課，會乖d，不過我自己放得出黎既自己相就ok啦，因為未有可以傷我心既「惡果」出現，我唔包將來有無，但係我自己做的事情自己負責，^_^
這是作為白痴既負責心 ^_^
Sleeper,
完全反對與完全讚成都不會是事實的全部，灰色的地帶最有趣，越是危險越覺得刺激，越令人以為，或想嘗試誇越。
一個媒介，工具，software或一個平台的進步與否，永不是因為它本身的科技與工能，而是人本身的質素 ^_^
至少我暫時仍然是好喜歡用facebook ^_^
工具是中性的，可惜人心卻難測，唯有做到害人之心不可有，防人之心不可無。
謝謝你的成日快樂，祝你都天天開心！
今日shopping後的心情勁好，
士氣高逆市升到８萬幾點。 XD
thanks for yr msg.
其實我都有睇到果個post, 睇到條題就已經[仆街喇]咁, 真係有人會做咁多咁既野.....
總之萬事小心啦....fb唔好再亂擺啲唔止妳一個人既nude photo喇...fb真係一個太易既medium喇...所以好多時好易就俾人拎走啲相...
下次小心d，口頭問清楚每個人就得啦，始終唔係個個人都成日上facebook
咸涩的人八卦的人无聊的人一大堆，我从来不将自己私密相放上网。。。这样最安全！
Post a Comment