Wednesday 14 January 2009

靚靚CD collection

to F,

《LOS EXPLORADORES PERDIDOS》
Pumuky
F:呢隻係咩呢家?
我:小小post rock咁,係我仲意個d類型。其實係隻single黎,不過太靚,忍唔住買左。
@ 4:47pm November 2,2008



《oh》
Lambchop
我:哇,個封面咁靚,好想要呀!
腸仔:買羅,係幾靚呀,你都係仲意呢d野啦。
後來發現會登係touch既MCB都有介紹:City Slang,雖然看完都唔係好知道做乜,但係隻蝶幾點都係好靚(好煩呀你,阿婆!XD..hahaha)
但係以我係呢平民既意見係,聽左幾次後唔記得左聽過乜野,唔討厭但唔係好愛,所以去買番隻放係櫃度靚下好重要。因為你download左,或者抄係部腦後係會唔記得佢既 ^_^ hahaa~



《Final Fantasy I & II Original Soundtrack》
中學怪人時代愛上的Final Fantasy 音樂,二十年後的今天不停地播一樣咁好聽+聽唔膩!
這是2007年的重出的版本,原版我無見過,係網上連個樣都找唔到黎看,不過呢個咁抵聽既雙CD版本,簡簡單單咁,天野喜孝既畫一出場,對我呢個fans黎講魅力十足。近年都無再買天野的畫冊,一黎無錢,二黎書架無位,亦發現其實買左返去封塵多過睇,咁買呢隻CD真係一舉N得。^_^


《REST》
呢隻野靚到,我唔洗聽都決定買...
不過都係Zoo度有試聽左,見到咁既cover,咪係我仲意的Post-rock。好一段時間無買這種Post-rock的cd,有點懷念初初愛上Post-rock的日子。實情我喜歡的東西好有限,咁又唔得咁又唔想咁又唔好,個人越老要求越多。不過見佢靚成咁,唉...點忍到手。
呢隻野幾好,聽住佢可以同佢一齊發夢,舒舒服服一齊訓個覺。巴士阿叔果一早有買呢隻碟呢,就一早會rest下,唔會再有壓力...XD hahahaaaaaa~
幾年前買的一隻實驗音樂《Love Boom》還未拆封,看到封面圍著的花,隱隱覺得當時還未是要聽的時間,這幾天應該把它找出來看看。