Sunday 1 March 2009

星期六的完美厠所

照舊又係,呢幾日勁忙到無時間寫blog...X_X



20090228, 1pm@office, fuji mini 7S(blue)
上星期五晚放工去左shopping。
呢排用晒所有可以用既錢買film,其他野都停止左買,所以今次都唔係買左好多野。本黎係Earth Music 睇中左條格仔褲,不過大條,又唔係平...所以無買,結果又係去番老地方的 Muji 同 Uniqlo買左個衣櫃已經有一萬件的差不多款式的橫間衫。真係遲d 可以儲番套「我愛橫間衫」系列 XDhahahaha
星期六早上返工就著左新衫,藍白間長袖好sharp,同條舊的Muji裙夾到呢...勁仲意\(^O^)/羅埋2個常用垃圾筒合照 XD hahaha~ 勁無聊

20080228,4pm 
石峽尾,JCCAC 6/F望向地下大堂
「我愛格仔底」系列 fuji mini 7S (blue)

星期六下午去JCCAC上 B 的pinhole 課。
我呢個壞學生,所有課堂都遲到 X_X <---我唔想架~ 因為星期三上7點,但我7點先放工。星期六有時有野做去唔到,有時遲左起身,咁3點先去到,遲左一個小時...巴巴巴...<---壞學生的借口多多XD hahaha ~ 結果今堂才正式做好個pinhole,其他同學都已經用過相紙,又沖埋菲林,又晒埋相紙。而我對相紙及菲林無興趣的原因,只係唔想開新項目。試想想一個fuji mini 及 polaroid 己經坃到破產仲要死慳錢買film的我,仲要再試埋film,咁死梗了,買藥水,試不同的film,又彩色又黑白...真係一條龍等緊我買,我仲唔呢世破產無翻身,咪啦!我學左點沖,看同學複相紙,學試點做就算。d 映相毒癮再加深下去,命仔不保! XD hahahaa


20090303, 6pm@office, fuji mini 7S(blue)
以上係我手造的polaroid back pinhole 映的(polaroid back在ebay bid番黎,連運費都係百幾蚊,係尖沙咀買要5舊 ^_^)。我無好似其他同學咁,成個pinhole box 都係自己造,只造了前面的一個盒蓋同鐘頭後就貼佢係個polaroid back上面,一黎因為懶,二黎可以映到polaroid同換住fuji mini 都得,加上polaroid back 有個把刀集光,又可以打開又扣番埋,非常方便。

1st, about 30sec (自己數)
個hole放得唔好,
映完呢張之後拆左出黎將個hole貼番好才映第二張

2nd, about 15sec (自己數)
20080228,4-5pm
石峽尾,JCCAC 6/F 外的一景
「我愛格仔底」系列
handmade pinhole
fuji mini film

其實想映第三張,係4秒,但係因為我趕住去中環看一個dance performance,加上係黑房學沖film後,成個人涷到死,勁餓,咁急急腳走去食個好快的維記豬潤公仔麵+腸。
就即閃去中環 ^_^

20090228, 8pm@office, fuji mini 7S(blue)
去到fringe 無忘記係如厠時同厠紙合照 XD ,我愛厠所的格仔底 XD hahahahaaaa~

關於厠所呢,我記得小學時的宿舍厠所新裝修,鋪好了暗粉紅的地磗,以及淺粉紅的牆磗。我們輪流,每天晚上洗一次厠所,每隔兩星期「大清潔」成個厠所及浴室。「大清潔」唔係講玩,我呢個偷懶人就係hae洗厠所比人發現左後,罪用牙刷+沙粉刷牆磗的每條la,地磗及渠位的磗就可以用洗衫刷刷...T_T...個d一片黑色漬的渠位,今日諗起仲係覺得好嘔心 >_< 咁樣清潔法,真係可以用「刷到扑街」黎形容,第一次簡直想死,第二次之後就輕鬆小小啦,因為第一次刷到勁乾淨,即使過2個星期污漬都未多得好多... 個厠所比我刷到咁乾淨,我就成日好仲意係厠所度蓋好厠板,坐係度溫習、看書,有時仲係度畫畫同埋訓著左 XD hahaha~ 尤其係假期,宿舍無乜人,我仲意下午留係厠所度溫習,一個好細的空間內,完全無雜聲,又無人走黎騷擾,非常輕鬆寫意...有時帶埋支水入去一邊溫習一飲水,急就打開厠板疴,然後沖左去又繼續...有次執齊d野入厠所時,比同學仔見到, 佢大聲話:哇,乜你咁核突架,係厠所住呀,仲要又飲又疴一齊黎... 我話:係呀,吹呀,我仲意呀!你咪試下羅。XD hahaha ~ 佢再大聲恐嚇我:哦,我告你... 我:哎呀,我好驚呀!最多咪又刷厠所我怕你!