尋日我揹著兩個大袋，圍住兩條頸巾，雙手拎一個ebay紙箱和一份A4 file。之前我將小灰帽的 blog post打印了一份放係file，我係地鐵一邊看，一邊因為他寫：「外形同味道都似塑膠既瑞士糖」而傻笑──想起我細個時都好鍾意食瑞士糖，正因為佢夠晒甜又有果汁味，尤其佢食食吓會變軟個種感覺（所以我一樣鍾意大白兔糖 ^_^ he~）。傻笑加上我當時既裝束，我想起「天橋下的女人」。
「天橋下的女人」呢個形容，係我小學時中文老師講既，千祈唔好以為係同fashion 有關。
印象中有一日，我拎住好多野，真係勁多：書包啦、一袋運動衫、白飯魚啦、美術袋啦、大卷美術畫紙啦、手上仲有本書啦……（完全無耐性既我，當時習慣邊行邊看書，捉緊時間嘛 ^_^）。我一行入課室就被中文老師形容為「天橋下的女人」。
我同幾個同學一齊問：「天橋下的女人」？
中文老師：「天橋下的女人」咪好似丁同學咁羅。佢地成日拎住好多野，大熱天時都帶住黑長傘，衫就由頭包到落腳，成身黑媽媽，左邊右邊揹著大袋細袋，然後就住係天橋底度。
我地一齊：哦……
因為被形容為「天橋下的女人」，我開始具體想像到底「天橋下的女人」係點……剛好當時睇完《天空之城》，直覺認為會好似動畫裡面那個大肥婆首領，加上拎住好多野，同埋把長黑色傘……咁其實都幾威幾有型，仲要係首領（係天橋底做首領），都唔錯……XD haha ~
尋日我呢個「天橋下的女人」，雖然無長黑傘，但袋入面有飯盒、暖壺、Fuji 7S 相機、菲林、畫薄、筆袋、藥袋、外套……基本上真係可以住幾晚天橋底都無問題，因為我連牙線同指甲鉗都有……^_^ he～
M 見我帶暖壺去買咖啡，佢讚：好環保呀你～
J 就話：你而家一日燒一包fuji mini 呀？
我：係呀，好似食煙咁羅^_^
A：貴過煙仔呀！
由上年生日時得到第一部Polaroid Reporter 為生日禮物開始，我未停過用instant film拍照。Instant film 吸引我係佢「即映即有」，係等一張即映即有相顯影的時間裡又急又喜既心情，係其他媒介無可代替的。平日用手機或digital機映相可以一日拍幾百張，隨意按制，然後save 係個電腦，但一世唔會再望多眼...>_<... J 送我Polaroid Reporter 時講過，其實Polaroid即映即有呢個發明，係一種造福人類生活既產品，每一張即映即有capture出黎的一刻無法再復製，像時間一去不返，反映著某一個時刻的影象在你心中的變化和價值。佢既講法令我非常感動，而且亦開始迷上癮，不斷映映映。
我唔會輕易扔掉任何一張黑晒，或者曝光過度既失敗作品。唔係因為菲林貴*，而係覺得那種「唯一一張」的感覺，係任何情況下都不想放棄他們。（*亦都因為菲林比較貴，長期糧尾既我，會千諗萬諗先夠膽按制 ^_^）
我就是「在攝影世界以外攝影的人」，映相於我並不是追求技術和專業，而是為自已記錄某些時刻的光與影，看著它在我手中顯現，展示它在我心裡的重量。相片即使偏色、變形、blur 左、唔知映左乜 XD hahaha……等等，我都一樣咁鍾意。那些都是我日常生活的組成部份，它們總令我有微微窩心的驚喜。
^_^感謝幫忙edited 以上破破爛爛既文字既 S
======== small exhibition in world Trade Centre 世貿中心=========
wtc more Instant collections exhibitioncurator & management : joel chung yin chai 鍾燕齊 & siuding 小丁
organzier : wtc more , Sun Hung Kai Properties
Period : 9th to 19th April 2009
Time : 10am to 11pm
Venue : Podium 1 Atrium / world Trade Centre
180 Gloucester Road / Causeway Bay
Hong Kong
銅鑼灣 世貿中心 Ｐ１展覽館
source: Polacolor, Joel Chung yin chai
