Saturday, 11 April 2009

強姦閃燈mini wall

今天休息了半天,才出發去電影節。
回電話給R,他說會特別因為我的那張作品去看看。而 JT 亦看過了。
我說:好多謝你啊,多謝你咁支持,其實那個作品不大值得特意去看,要是順道經過看到了就可以了 ^_^


20090407 「我愛格仔底」結集成袋
polaroid 180
event : 「即映.映有」 世貿商場, CWB 12noon


我好一段時間無用polaroid 機,都花晒所有時間在fuji mini 度。 呢次係世貿中心展出的相,都係用fuji mini 映的 ^_^
其實d 相放左出黎之後覺得自己好唔掂,所以無向朋友們宣傳或推介,實際上我覺得這個作品其實不值一看...我期待自己造出更好的東西。


會場裡的記者和來參加發佈會的人不多,我對他們比起呢次展覽展出的東西更感興趣。那天我帶了2包彩色pack film 都用完了,拍了幾個人,他們有d 未見過pack film 覺得好新奇,相都送晒比佢地,我得番呢d無乜焦點的相。

呢日我無羅測光錶,都係用相黎測光。呢日映的其中一張相光暗度剛剛好,亦映出那個人在那刻的感覺,不過都送左比那個人了。當時我初次感覺到,我映相有了進步 ^_^

20090405
lift --> control room
「我愛格仔底」
fuji mini 7S (blue)
CWB, 7pm


其實呢個「即映.即有」展覽裡,我本黎想出黎的idea並唔係用「我愛格仔底系列」的相。(以下我寫出我作品的創作過程,我無意冒犯任何人 ^_^)

由於有免費film提供給我用,映相的主題,希望以「消費主義」以及世貿中心商場有關,於是我打算找一天去世貿中心映不同的shopping bag,這是hungA提議的。我覺得雖然老土一點,但係也是一個好直接的idea,加上我又未試過。
E 就話呢個idea太leung了,提議不如去映店內的sales和他們要sell的產品,這樣較有趣。我也覺得這樣較好,於是打算當天去到後,看情況決定映shopping bag定映人。

上星期日我去到商場,拿到了permit 在商場內映相。於是我踏入新開的Muji,問其中一個顧客可否比我映相,她拒絕了。然後我問其中一個sales可否比我拍一張相,她叫我先找店的負責人。找到負責人,負責人說要先支會marketing部門的人,因為在店裡拍照是要問的,但是當天是星期日,marketing的人全放假了,要等星期一才可以問到到。於是我話:唔該晒,咁由佢啦,因為明天是deadline要交相了。

就因為這樣,我打消了在店裡映相的念頭,換言之 idea 1 and 2 的拍 shopping bag 和 sales 都行不通了。

離開前去control room還permit 証時,實Q 指責我在他們私人地方裡拍了他們在神台裡的關公。
實Q :你做乜要拍關公?你拍黎做乜?
我:無野,我只係想拍個關公。
實Q:你咪真係淨係拍左個關公?
我:係呀,我淨係拍個關公乍,咁你係咪想要張相?
實Q重覆:你做乜要拍關公?你比張相我。
我:我頭先咪問你係咪要張相羅。
係張相顯現晒出黎前,我就比左張相佢,然後我離開了。

我承應係人地度未問過人拍個關公係唔啱。而我覺得bad mood的原因唔係因為比人罵左幾句,而係整個商場內外的氣氛都是「不準映相」既feel令我覺得有點失望,我還以為可以以呢個商場為題做新嘗試(對我來說是新嘗試)的願望落空了...>_<... 最後,我想到的「解決方案」就是用「我愛格仔底系列」砌成一個彩色的shopping bag黎表現「消費主義」。但係本身「我愛格仔底系列」的相的數量不夠,於是決定立即去補映。就在2個多小時內,P 陪我游走港島淺地鐵站,共用了10幾盒film黎「強姦」了映相這件事,我的感覺好空虛,因為從未如些浪費film。幸好在地鐵裡映映下其實都幾好玩,平日係地鐵經過時會好慳咁映一兩張,或者只係路過才映,但係呢日就特登去了整個港島綫映,而且仲係狂映,乜都映,都算「有新意」。 拿著那百多張的相回家,拼了一個shopping bag後,嘗試以舊有的「我愛格仔底系列」裡較有意思和較好的相換進去,成為了現在展示的作品。
淨底係屋企的「地鐵強姦映相」,
(以上只有一張不是在地鐵內拍攝)
真係好多 ^_^ 
concept by sd
photo by sd and P
20090405 7pm
fuji mini 7s (blue)


昨天,在公司有2個同事在不同的時間告訴我有無去看世貿中心展示了百多部的polaroid 相機。我說那個展覽其實我也有份參加時他們都覺得有點意外。放工後我路經那裡,也見到有人在前我作品前的相框內拍照。於是,我相信,一般人,其實不大會理會我那張只是佈景般的相合拼相。

然後,今天得知 JT 和 R 特別為了我的相而去看,實在有小點感動的 ^_^ 謝謝你們啊 ^_^

6 comments:

c9boy said...

我今日去睇左喇^___^

dinosum said...

like your sneaker

sleep said...

乜都唔影得!? 真係好煩

點都好,我得閒去個展覽捧捧場先
加油呀

小丁 siuding said...

thanks all of u ^_^

聶秀康 said...

親愛的小丁妹妹我是代『門外滄浪』留言的.

他說:自上月初不知為何上不了妳的部落,叫我代為查找妳的電郵地址,發現找不著...但他自己的部落又可運作...有空請各下去她部落留個言...

謝謝...

LittlePerson said...

I love checkers too! Great colours~~