這天是電影節和復活節假期的最後一天。但我只夠時間係晚上看一場9點幾的 The Beaches of Agnes。中午要留在家裡工作...T_T...中午天陰，下了一陣雨。5點幾的時候，我做做下野覺得悶到死，由房間望出廳，發現地上有一道陽光透進來，好靚。於是去羅相機映底佢。保持我的特色，呢張相的水平不準，都係斜左^_^ he~ 我覺得呢張個風扇位有點爆光，於是我把光圈收細點再映多張。
呢張相一拉，我用力過度，三張film 一齊炒粉左...T_T...得番呢張有野睇下，貓貓係相裡面拉長左個身，若果唔係炒粉左可能係張好好既相。不過Y見到呢張相時話，呢張最靚喎...T_T...唔通我無技術成咁，要靠炒粉效果才覺得相靚...T_T...我唔制呀!...T_T...
這就是陽光晒進屋裡的樣子，本黎無個d垃圾掉係度的，係我引左隻衰貓係個度玩，諗住映佢，映左幾張都係under。因為正值陽光被雲遮住，到光再次晒進來時，貓貓已經覺得個舊垃圾好悶走左上sofa嘆世界~_~
懶貓最仲意瞓係sofa中間，勁嘆~呢排我覺得佢越黎越老，完全唔願意郁動身體，換左隻老貓糧，怕佢太肥。計計下佢都7歲了，佢一直都幾健康，希望佢陪我耐d啦。
20090413, 5pm
@home
polaroid 180
@home
polaroid 180
