Thursday 23 July 2009

睡房大災難

尋日放工後好輕鬆咁坐電車去銅鑼灣買床單,因為大減價,想要的棉質床單賣晒,唯有試新的洗水床單。回到家後立刻換新床單,感覺很好,於是我打算過一、二天可以買多一張灰色的作為替換。不過枕袋買錯左,size太大要用扣針扣住先用到。

睡房的外牆在九號風球後滲水,整個牆身濕透,S送的 Simpsons Movie poster 報銷。咁我諗住移開牆邊的書及書架上的帽和畫...T_T...結果係一個勁慘大發現。

有一個舊畫袋濕了一半,袋內的畫救到部份,但係其他心愛的海報及紙品,即係d紙袋,海報等就全部報銷...>_<...我仲意紙造的東西,所以直都儲唔少紙品,而畫袋亦是我用亞通紙造的,所以滲透了...T_T...

幸好那些頗貴的水彩紙用膠袋保存著,當中有一張舊畫,畫中我和2隻貓在一起。那是大美篤的家,當時牠們只有一歲。現在只有BB和我同住,仔仔留在朋友的家,轉眼己經5年。這張畫好大,應該是大過A2小小,黎緊的日子我決定花多點時間在畫上,其實有一個好想畫的情景一直未動筆,今個星期日希望有時間畫。

而書本大都無事,剛好滲水的部位未觸及放書的位置,如果唔係我會勁喊。因為睡房內放了不少日版書,主要係我不想放在廳中的書架上怕陽光照得它們褪色,才把那些日版袋裝小書放在睡房。

不過有幾頂帽及一些儲存的花布因滲水而發霉,我立刻將佢地掉入洗衣機洗一洗就沒事了,只有一頂白色帽要用漂劑漂到今朝,一邊發霉的漬仍未褪掉,唉 ...白色的帽我就只有那一頂...>_<...那是一頂男裝的米白漁夫帽,帽身比起女裝帽子闊小小,帽邊不算闊,應該只有頭細的男仔才合戴,我戴時大一點點幾舒服。那是一次去尖沙咀食飯時買的,因為三折太平了。希望遲點這頂帽多洗幾次,又再晒一晒陽光那個漬再淺一點就好了。

今早回到公司忽然諗起一張當年係青文書店叫老闆送給我,由Art Center 印制的A2《牯嶺街少年殺人事件》海報,那張海報的紙質仲唔係現在常見的白色粉紙,而係類似啡色的竹紋紙。現在的海報仲邊會咁有心機做...>_<...唉,千祈咪係那個濕透的畫袋內,千祈唔好呀~...>_<...(我見到今年夏季電影節會重播,可能再去看多次。)
那張海報的image就係呢張劇照

我住的大廈外牆要維修,要等外牆維修好才到家裡的內牆,換言之我房間內的牆半年內都不可以把東西放近。唉...我家的廳現在好好亂,畫呀,書呀,布呀,帽呀,到處都係。

天呀,你呢幾日唔好再落雨,等我房間內的牆乾一乾吧...>_<...