Friday, 18 June 2010

政改辯論讓你了解《2012政改方案》不承諾香港能夠達至普選

R說:尋日有冇睇辯論呀?

我說:有呀,我對余若薇好有好感,之前我對佢無咁有好感o既

R說:係

我說:無之前對她沒有好感,但係而家好鍾意佢,佢答問時從容不迫,有氣度,理據清楚,解釋淺白,非常好

R說:我本來期望特首會有新o野講,唔係一咪靠信..但好失望。香港冇希望架喇

我說:我反而對特首的講話唔算太失望,起碼佢照稿讀,佢無平日咁難看。

R說:我本來期望佢會好有準備..

我說:佢無新野講就預左

R說:可能佢咁已叫準備左啦..

我說:佢係有幾個位都表現得小家,不過未算失禮同埋令人覺得佢無腦己經算唔錯

R說:佢不嬲勁小家...俾人一話就發矛,哎

我說:你回想佢被問有關平反六四時的發言係幾咁無知,就會覺得佢尋日係好「得體」

R說:咁又係...可能經已係進步左了.... ~.~

我說:有時我經常以 positive 的想法,如果唔係曾生佢咁小家,我地今年未必會係度談論咩係功能組別,相比起幾年前,根本無咁多人關注

R說:我成日都話佢曲線救香港,驚死唔夠多人上街...

我說:現在因為佢經常做埋o的 蠢o野, 搞到我地要去找野看清楚到底佢搞乜鬼

R說:好事,好事 XDDD

我說:我地話佢係「無間道」

R說:但佢o既無恥到底,真係令人不得不佩服

我說:其實佢好想平反六四,因為當年佢都係支持既,但係佢唔可以公開咁講,於是講o的衰o野,等所有人去集會記念

R說:如果真係,咁我實在佩服佢

我說:第二年用新招,就係沒收自由女神像

R說:自己仕途名聲全不要,為左曲線救香港....

我說:佢係相神,一心向善,所以佢唯有含辛如苦咁做o的o野o黎令我地香港人醒覺

R說:XD

我說:董建華係無能,但係曾蔭權以自己的人格作為教化眾生的「體例」

R說:我曾經真係有懷疑過o架! XDDD

我說:我覺得佢如果唔係玩緊「無間道」呢,佢做完特首之後都幾難係個教堂o既懺悔室走出黎

R說:如果佢真係好似我地咁講...最佳演員佢拎硬...真心膠同黑面,扮到咁似...

我說:因為個罪太多

R說:唉 XD

我說:咁我明佢既黑臉o既,o係呢o的情況都自知衰硬,佢笑得出就先至會o羅獎,而佢尋日係辯論當中就有笑,証明佢o既演技有進步 XD

R說:XD 尋日佢都算忍得了。我尋晚都翻睇左一次成個辯論

我說:我都想翻看一次,邊度有 youtube ??

R說:
http://www.youtube.com/results?search_query=%E7%94%B5%E8%A7%86%E8%BE%A9%E8%AE%BA%E5%85%A8%E7%A8%8B%E8%A7%86%E9%A2%91&aq=f
尋晚我搵youtube 得呢個係完整版



余若薇總結時令人感動。不是為了反對而反對,我們不要一個沒有逹至普選原則、兼且倒退的《2012政改方案》,香港是要達至真正普選的承諾。

1 comment:

Ron Lau said...

結果我loop完又loop,原來睇多好多野出來...

特首點諗,中央有咩指示...表情同措詞入一面一清二楚..