Tuesday 8 June 2010

18: at Jesse Clockwork's home



朋友們都讚這張相片拍得好,我的動態和神情很自然。W 則說我長期沒修剪的亂髮在相片中顯得分外好看 ^_^(我在留長髮,怕去修剪的話便忍不住把它剪短,所以待頭髮留長些才去修剪。)

星期六,我大老遠跑到 Jesse Clockwork (J)的家,參加at home系列相片拍攝。
J:你帶左咩衫黎影相?
我:一套粉紅色同埋一套黑色的胸圍底褲,仲有白色的棉質T-shrit。
J:粉紅色個套我唔鐘意,唔洗換個套啦,著黑色個套啦。
我:哦。
J:我今次唔係要影裸照呀,唔好除晒衫嚇我!
我:咩喎,我幾時話要除呀。(原來除晒衫可以嚇人 XD)
J:你知你架啦...
我:得啦。
J:呢次呢輯相我淨係會選一張黎用,唔洗影好耐,你換好衫之後自自然然咁就得啦。
我:哦。

J 的家裡綠色的牆壁很美,陽光從窗戶曬進來把人的膚色照得很好看,拍照時完全不用閃光燈。不過我覺得綠色牆壁令室內環境變得昏暗,好像太過 moody 沒精神,但 J 說亮了燈便行啦,完全不用擔心啊 ^_^


我最喜歡 J 床前有一個差不多高至天花板的黑木書架,架上放滿漫畫書,像走進了漫畫店似的令我很興奮。J 說之前有朋友借走了漫畫沒有歸還,所以只可以看但不許借走(應該有不少朋友有這經驗吧:p)。於是我在拍攝完後和 J 一邊談天,一邊看漫畫,渡過了一個愉快的下午。

J 的at home系列還在招募女生中,女孩子們若想在這綠色的「漫畫屋」裡拍一張簡單的相片,可以直接在 J 的網頁內留言,或者在這裡留言讓我轉告 ^_^

可以click 入http://www.pbase.com/clockwork/home 看看 at home 系列 的其他相片


我喜歡這輯相片的原因是相片裡我變了平胸 ^O^ 因為自中學時代開始我便常常「夢想」成為平胸或胸部沒那麼「突出」的女孩,現在這張相令我夢想成真了 XD 哈哈~

在我的中學時代,無論平胸或大胸部的女同學都同樣會被取笑。

平胸的通常被取笑為「飛機場」、「洗衫板」等,但這些沒甚麼大變化的花名很快被厭倦,大夥兒笑完便算,被取笑的平胸女同學也不算計較,有些「強悍」的女同學甚至會挺起胸膛怒「啤」兼回敬說:是平又有怎樣呀,唔得呀!

胸部大的話麻煩卻較多,在學校裡會被男生細聲講大聲笑,取很多不知名的花名不在講。試過在體育課完結前,幾個搞事的同學趁同學們回到課室前,在黑板上畫一個大奶樽寫上某大胸部女同學的名字並連著另一個男同學的名字,再加上「他們在戀愛中」的符號。大家回到課室時看到後笑了一會(以為只是沒有惡意的開玩笑),但被取笑的女同學哭了,這時大家感到是「玩出火」了,便立刻上前把塗鴉刷掉。

我算是「強悍」的一型,男同學最多暗暗地取笑我,卻不敢公然講出來。不過不少同學或學兄學姊有時會打趣地問:你細個時食咩架?點解個胸咁大?係咪飲好多奶?有無飲好多木瓜奶?
最初我感到很煩厭,但後來習慣了這個「無聊」的問題後,便不以為然地答:唔知喎,我細個係好仲意飲奶,但係無特別要飲木瓜奶,同埋好多同學細個都會仲意飲奶架啦,又唔見佢地個個都係大胸=,=

有一天,同班的兩位「大胸部」女同學和我一起訴說大胸的煩惱。

R:上次佢地係黑板度畫個奶樽出黎再寫我名呀,我之前因為咁唔開心啊,個胸部細d就好啦,唔會比人笑。
V:關你咩事喎,係佢地衰之麻。
我:係啦,個次佢地又真係過份左d既。
V:不過我試過比人當街話我。
我:吓,咁誇張!
V:係啊。
我:佢點笑你。
V:唔係笑啊,係話我呀!有日我出街,夏天好熱,我著左件背心,都唔係特別性感,但係我去到巴士站,有個阿伯係我身邊行過時話「人仔細細,個胸咁大」。我好灰羅,好似我犯法咁,我都唔想架麻...
我:咁你有無鬧番佢。
V:佢走左啦,佢只係行過我身邊時賤賤格格咁講呢句野就閃,我都無時間還擊呀!
我:咁衰都有架,我試過最多係經過我身邊時比人眼甘甘咁望到實羅,但係佢就無出聲。
R:我試過有d人經過想特登撞埋黎,我即刻避開羅。唉...
V:唉...
我:唉...

於是我們一起討論有甚麼方法可以把胸部變得平坦或小一點。(現在回想起來很有趣呢^_^)

V:減肥啦。
我:唔得呀,我試過啦,減肥後全身按比例瘦左,結果胸部睇落仲係大呀。
R:做多d兩手向外拉既運動,令胸部兩邊的脂肪變成肌肉,咁望落結實左咪無咁大羅。
我:係咪架,但係個運動要點做呀?
R:可能係搵d練肌肉個既工具掛,好似個d練臂力既拉彈弓咁。
我:但係我無力拉喎...
V:我諗過架啦,我地可以儲錢去抽脂。
我:即係點呀。
V:其實個胸部有多脂肪,咁我地去抽脂個胸咪會細羅。
R:係喎。
V:但係好可能要每隔一段時間就要再去抽。
我:點解呀,淨抽胸個度咪得羅。
V:唔得架,因為d脂肪係個身體度會走黎走去架麻。咁你抽走左胸部V:脂肪,你無論食野有幾小或者唔食肥膩野,但係始終會有脂肪係食物到補充番比個身體既,咁到時d脂肪實會即時「流」番去缺少左脂肪的位啦,個時個胸部又會慢慢大番羅。
我:係喎...
R:好煩呀,咁又唔得,咁又唔得。
我:好似無乜辦法喎...
R:唉...

最後我們再沒有想到其他更「有效」的「減胸」方法。只是 V 強調喝木瓜加鮮奶真的會令胸部變大。
我:咁飲奶會唔會,我好鍾意飲奶架喎。
V:飲奶OK啦,盡量唔好飲木瓜奶。


我想每個人都對自己的身體都未必完全滿意,也有「想改善」的部份。肥的想瘦、瘦的想肥、大胸的想小一點、平胸的想大一點等等,各自有不同的煩惱呢 ^_^

我算是胸部較大而且希望變小的一族,雖然我已習慣了它們,也懂得和它好好相處,但有機會的話也希望它們變小一點 :P

記得好友 N 曾問(又被問相同的問題了):你細個時食咩架?點解個胸咁大?
我:無呀,呢d野都無關既,我夠想細d啦,煩到死,買個胸圍都貴d呀。
N:點解要貴d?
我:亂買d無承托力既胸圍黎帶既話,個胸會變形架,仲會墮架 X_X 所以通常要買質素好d既胸圍,咁自然會貴d羅,又唔可以唔戴。
N:哦,咁就無呢個煩惱,反正戴左同無戴既分別唔係好大 XD 不過我想個胸大d羅。
我:大胸咁煩,跑步又重 =,= 有時又怕比人笑,成日要買d唔好太貼既衫黎就住,等望上去唔好太大。
N:咁我又唔係要好大,我想大小小,咁著衫好睇d架麻。
我說笑:咁你叫你男朋友楂多d你個胸羅,聽講話楂得多,刺激得多佢會變大d。
N:痴線,無用架!我初初都係咁諗啦,結果男朋友勁楂都係無野楂到出黎 XD
我笑得眼牙不見眼:唔係卦...
N:係真架...
我:我就想整容整細小小,咁同你諗法一樣,著衫好睇d,唔洗有時著d貼衫個時望埋去好似巨乳怪獸咁,好醜樣 @_@
N:咁一係你整細個時比d我,咁我將你羅出黎個d塞入去就啱啱好啦!
我:好提議喎!仲好環保添。我等呢個整容技術發明之後即刻叫埋你一齊去整整佢。
N:咁你記住叫埋我 XD hahahahaaa
我:一這為定! XD hahahahaaa


about my Nude / Portrait project: