今次學用了另一軟件 Adobe Audition 來製作，先謝謝 C 教識我用這個軟件，現在音樂的轉折位有了 fade in 和 fade out 聽時順耳多了。
昨天晚上問 S 在尾段播甚麼歌才好，S 求求其其選了 Dustin O' Halloran "opus 22"給我，我好唔憤氣，找了幾隻碟出來，不過聽來聽去還是 S 原本找的那首歌較好，真係太唔抵啦！
不過，今天找來了 PASCALS "Mata Auo"替代了原本 S 所選的歌，嘿嘿 ^v^
阿一說：選這首歌雖然無咁夾，但係會讓人有驚喜囉！
[字幕開始]
宜家我返工嘅地方離我屋企好遠，每日我要好早起身，坐好耐車先至返到公司。
返新工有好多新嘢要學，有時係跟唔同嘅前輩上堂，有時要學錄音同埋 edit 啲聲音，有時呢又要試節目喎，試完之後呢要重覆咁樣聽番，然後大家出嚟討論吓邊啲講得好，邊啲講得唔好，雖然係好好玩㗎，但係呢其實都會好攰㗎。
每日係 office 行出行入，我覺得最開嘅呢，就係可以成日昅到 office 出面個嗰海。
我一趁有機會呢，就會偷懶，約啲同事去個度影相。
尋日呢，我買咗個錄音機，就即刻試下去海邊錄音，都係為左準備我呢個聲音專欄㗎，不過我覺得自己講左幾個故仔，都講得唔好聽，播番出嚟嗰時仲覺得好悶添。
我就嚟搬屋啦，我發現其實我買咗好嘢，好多野都無用過就咁擺咗係度，都唔記得咗最初點解買嗰啲嘢返嚟。
我坐係度望住個海，個海又望住我，我就已經覺得好舒服，實際上個海又比唔到實質嘅嘢我，而個海都唔係為咗我先出現㗎。
我需要既嘢可能就係好間單，根本就唔需要買好多嘢返嚟。
其實我講咗咁耐，只係因為想偷懶，同埋唔想執屋之嘛。唉，我真係好頽呀~ [字幕結束]
song: Dustin O' Halloran "opus 22", PASCALS "Mata Auo"
