本故事改篇自慘人慘事，故事如有不同，實屬榮幸。
[字幕開始]
近排除左我搬屋之外，我另外有一個朋友都搬屋喎。
咁上星期佢攞咗鎖匙，就入新屋睇下。入到佢之後，佢就見到有一盞燈著咗，不過就係閃吓閃吓咁樣，好似就嚟壞個種燈咁呢。佢就熄咗佢， 開晒全屋嘅燈，然後順手閊咗道門。
「chop」
呢個時候，道門自己鎖住咗喎，佢就嚇一嚇啦。跟住佢拎轉身去睇吓個門鎖，𠵱？乜宜家啲鎖係自動嘅咩？跟住佢拎轉身去check吓個門鎖啦，哇，都要幾大力先至開得番㗎喎。係有一個制要掹出嚟，然後再吞入去先可以恤到嘅門鎖嚟㗎。係呢個時候佢覺得有啲心寒呀！唔通？
我：你阿媽喺廚房食雞髀？哈哈哈哈
佢（租屋嘅女仔）：你就笑得出啦，我呀，自己都覺得雖然我講出嚟好似好流咁樣，有啲似嗰啲好乍嘅港產鬼片，但係我當時親歷其景，真係有啲驚㗎。
我：唔係吓嘛，你會驚？
佢：乜唔係呀？我已同左我幾個朋友講㗎啦，佢哋個個都叫我去拜吓間屋個四角喎係入伙之前。
我：車，咁如果你係入伙之後佢哋又嚟搵你，咁你點算呀？咁你又拜多次啦喎？
佢：唔拜啦，拜一次算啦。
我：唉，其實我都搬咗廿幾次屋㗎啦，我都無試過拜四角㗎。
佢：車，咁我夠係啦，我都搬咗幾次屋啦，都無試過遇到呢啲嘢。
上星期六下晝，我朋友同埋我，約埋另外兩個朋友，陪佢去新屋度拜四角。原來拜四角個啲嘢都幾得意㗎喎，每個角落頭要準準一份食物，裡邊有肥豬肉、芽菜同埋一個切開咗嘅紅羅匐，咁嗰啲臘燭同香就係插喺紅羅匐上面。每一位都搵個紙碟載住。
其中一個女仔話：依！拜四角唔係四份嘅咩？點解有五份嘢嘅？
我：哦，唔通係留比佢嘅？
租屋嘅女仔話：痴線㗎你，日光日白呀！
另一個女仔話：唔好再講呢啲嘢嚟嚇人啦！
租屋既女仔話：係啦，你咪嚇人啦，拜四角有一份係要放係個廳中間㗎嘛，咁梗係有五份啦。
我：哈，我先懶得理你哋呀，我係度瞓吓，你哋自己拜啦
女仔：吓，你真係唔嚟幫吓手呀？
我：唔啦，如果你哋拜完呀，佢之後又出嚟，咁點算呀？嗱，我宜家呢就唔幫手，咁呢，如果到時你地拜完之後佢先出嚟我先幫拖嘛。仲有呀，如果係我拜嘅話，我先至唔會用呢啲嘢呀。我呢，我就實行係屋企個四角嗰度呢，每度點一支煙，然後係中間個度放一首歌比佢。
歌：唔好意思 人人話亦你幼稚
我：佢聽到呢首歌，佢一定會走㗎啦，如果唔呢，係佢一定會忍唔住走出嚟同我講： 喂，好啦喎你！哈哈哈哈
歌：
然後扮作無事 可惡 無得救
唔好意思 人又懶 唔做嘢點搞㗎
仲彈句 等吓囉
我無嘢想講你知 我無嘢想講你知
I can't take my time offer you (I can't take my eyes off you)
Bye bye [字幕結束]
song: 夏日浪漫《唔好意思》，改編 Damien Rice "The Blower's Daughter"
