很喜歡 Midori "Doping Noise Kiss" 這首歌，青春、活力、爆發力量全部俱齊，是同樣活力十足的阿一介紹給我的。今次用了這歌作配樂，尾段播放歌曲時ＣＵＴ短了一半。之前幾集都會把歌全首播完，今次想試試只播一段，希望讓歌曲的爆炸力集中發放出來。
今集本來想講一個初冬的愛情故事，但現在的天氣還沒有轉涼，今朝陽光猛烈得像盛夏，所以還是待天氣稍涼才製作吧。
我才剛剛開始做聲音專欄，大都是作為功課練習。不過，我做很多事情都虎頭蛇尾，結果甚麼事情都做得不好，希望這次多點耐力吧 ^_^
[字幕開始]
近日乜都「那些年」我受夠啦！
我本黎對套戲已經無乜期待，諗起當年《海角七號》上映嗰時，係轟動台灣嘅票房力作，點知我睇咗之後好失望。女角主無啦啦飲醉酒發脾四之後，同男主角一夜春宵就愛上咗，真係睇到我Ｏ晒咀呀。
今次呢套《那些年…》女性朋友就話唔啱我睇，男性朋友就一至推焉。我睇完《奪命金》之後心情非常之好呀，都諗住去睇下呢套咁熱門嘅戲。
點知，呢幾日就算我唔睇報紙，唔睇雜誌，齋上面書blogger，都見到無數個「那些Ｘ」嘅推焉，連同事做節目都要重點去講，煩死人啦！
仲有個首主題曲，講真作為一首流行曲係唔錯㗎，我最初都好鍾意。但係喺一日之內各電台熱播，真係聽到我厭晒呀。我發誓，我死都唔會睇呢套戲架啦！
終於我忍到放工，男朋友接我嗰時話自己啱啱睇完《那些年…》，然後就開始唱個首主題曲！救命呀，《那些年…》你放過我啦。[字幕結束]
Midori "Doping Noise Kiss"
