上星期五寫的，今天的心情已經平伏，但仍然有點不開心。
最怕這種春霧迷矇既時節，無陽光，屋企朝濕，污糟衣服堆積如山都唔敢洗。忍唔住洗咗，放係室內用抽濕機抽完，再用暖氣吹都唔會乾。
結果我著黎著去都係個幾件衫，前幾我又係著番個件著左幾廿次未洗（但係我覺得仲算乾淨）嘅衫去拍戲。
（上集開始，把youtube內講的說話全部打出來，以照顧講普通話的一位朋友。）
[字幕開始]
前幾我去做演員，朋友既科幻片 project。
拍戲休息時間，我同一個來自德國既朋友傾計，佢話好鐘意香港，但係唔鐘意柏林，因為好多柏林人成日講一套做一套。
我話我好憎香港，忍唔住講唐唐僭建行宮同埋近排露宿者4日比人趕走3次嘅事，呢個香港真係好荒謬。
佢剝大雙眼望住我，話佢唔識政治，但係佢地國家嘅政府都唔係做得咁好。
我話：到底係咪全世界都係咁呢？
係呢刻，我覺得自己真係好社運撚feel，不過最近就算唔睇報紙都逃避唔到唔諗唔理社會上發生緊嘅事。
諗起前幾日有朋友講：係8964個時，已經覺得情況係最差，但係原來唔係，今日睇嚟，香港既時會時局仲差，貧者越貧，富者越富。又好似當時50萬人上街，話老董唔掂，但係如果唔係老董嗰時推出政策比人買公屋，我今日成家人都可能無屋住。
尋晚上音樂課，連平日唔講政治既音樂老師都老曾太貪。
諗諗吓，佢係公務員出身，退休後想享榮華，所以七年嚟都唔起居屋，停售公屋，巴結地產商；唔平反六四，就梗係合情合理啦。然總之乜都唔做，整到香港更衰更亂！
妖，佢未上任時我個心係支持佢嘅，雖然我無權無勢，但係呢件已經係 我人生做過最錯嘅事。如果今年真係世界末日，我點對得住自己！
香港變成咁我就嚟瘋啦！[字幕結束]
另外一位同學話佢 quit 左份工，因為覺得今年係世界末日，係世界末日前佢一定唔會想返工，要放假，同埋要去台中農村過節奏緩慢既鄉村生活。
我都想呀！呢個時候我覺得呢個世界可能係虛構出嚟，而「天空之城」「1984」「1Q84」先至係真嘅！
我要快一點振作！其他朋友，你地也加油吧。
youtube vedio photo by Marco Sparmberg
song: The Doors "This is the end", Laurie Anderson "Only an Expert"
5 comments:
其實我識過咁多個居港／訪港的外國人，幾乎冇一個唔鐘意香港（除左話空氣差之外），你睇近年越來越多外國人來港工作就知。就只有香港人（尤其社運人）一味話香港點差點差。
那個德國朋友不喜歡柏林，但我喜歡。
我的另一位法國朋友不喜歡法國，因為他覺得法國沒有創意，死氣沉沉，但我也喜歡法國。
去過英國長住的朋友說要回香港，因為英國也很悶，但我也喜歡英國。
鐘意一個地方，可以是很偏面的。但當你對一地方認識越深，越發現它差的地方（也許像情人一樣）。我想大部份社運人（我認識的）留下來是想改善這地方，讓香港更可愛。差可以變好，差不是永遠的。
我在香港生活廿一年，在英國生活十年。英國唔悶，尤其如果喜歡文化音樂藝術體育的話，好難會悶。
不過相比之下，我覺得香港還是比英國好得多。尤其是醫療和福利方面（你可能唔相信），對社運人士的包容亦然。（在英國，警察兜面打到爆缸是常事，我亦親眼見過有警員囉警棍打女仔（係堅打！！）。喺香港？警務署長下台都似。。。
持續改善這地方是好的。有些議題如保衛皇后，天星，我是支持的。反高鐵這回事，我就不能認同了。當然，每個人也有不同意見，但有時我覺得某些社運人的mindset是： 我係維護正義，你不支持／反對我的話就是不義。
沒有一個地方是天堂，當然我還是想去地獄，好似好玩好多。
對我而言，旁觀去看事情的用處不太大，道理總可以分折出來，而在乎你站在不同的角度，找出甚麼論點，那些道理和論點可以理論一輩子沒完沒了。
我從來沒有以為自己是一個社運撚，也懷疑那些以「公義」為名的鬥爭，所以我嘗試參與，去了解事情。
我相信不是所有社運撚的mind set 也是： 我係維護正義，你不支持／反對我的話就是不義。但就算有，也不出奇。
問題在於我的心態是甚麼，我為甚麼參與，先處理好自己再算。我只是個有時間才去參加的人，算不上活躍份子，也沒有像搞社運朋友的遠大理念，我頂多只是不想有那麼多窮人，大家不用捱貴租等等。所以我覺得自己暫時沒有資格去批評別人，反而是先做好自己。
另外，我是反高鐵的 ^_^
世間不會讓所有人意見一致，與不同意見的人共存才是一個更好的社會，難保有一天，自己會是小眾的小眾。
「我相信不是所有社運撚的mind set 也是： 我係維護正義，你不支持／反對我的話就是不義。但就算有，也不出奇。」
所以我說「某些」社運人士，不是全部。反正我閒賦在家無所事事，改天應走進社運人士裡，看看也好^_^
尖咀鍋記甚至領會式的捱貴租是不合理。我愛溜漣上環SOHO至太平山街一帶，但看到該區因為文化優皮進駐而拉高租金，很多舊商鋪都結業或搬遷。另一方面，那些七老八十的老頭將鋪頭出租，又確實是一筆很好的養老金。有時我也弄不清這是好還是不好？？？
「世間不會讓所有人意見一致，與不同意見的人共存才是一個更好的社會，難保有一天，自己會是小眾的小眾。」
Like!!
Post a Comment