尋晚半夜在網上找資料，唔覺意睇到卓小姐著皮草事件的始末，再看了18頁的youtube留言，覺得很不開心。
穿皮草絕對唔值得支持，我同意小奧嘅講法：海關每年都收唔小老翻同鴉片，但係佢地唔可以因為環保，唔燒左佢，仲要用比公眾睇。
但係睇到網上的人瘋狂地用文字辱罵，人生攻激的確好可怕，有啲仲係疑似講道理，但僭台詞係「不如你去死」嘅講法更恐佈。
我不是要為卓小姐講說話，只係諗起自己亦曾經講錯嘢，個次係係朋友面前，我即刻嚴正地重歉，佢地都無原諒我，佢地話：你唔係為左我而sorry，而係為左你自己講呢啲野而sorry，你一定要認真咁反省自己錯乜。
今晚，我先發現我原來咁幸福，有呢啲經常提點我嘅長輩，朋友係身邊。
所有人都會出錯，咀咒一個人都唔會令世界好啲，但係當日我都有份唱 "Donlad tsang, please die" 咁我都係咒罵的一份子，我係咪無資格話人地係語言暴力呢？人性就係咁醜惡？於是我整晚都處於芧盾嘅心情當中，無辦法瞓得好。
今朝 A 係電話同我講：無人天生係聖人，問題係，要先明白道理，再去做到，中間係有一段距離，就好似係小學時老師教既人生道理，可能你今日都未做到，但係唔代表你齌係度灰，而係你慢慢去做。最終大家只係想個世界更好，好多人都係度努力緊。
我諗咗好耐先至將以上呢個諗法講出黎，因為總係覺得自己唔係一個叻人，被稱為怪雞及露體狂既我，有時候一啲言行嘅好壞，只是一念之差。我唯有不斷提醒自己，醒醒定定，做人，真係ok辛苦。
試著把家貓放在頸上做頸巾 :P
