Tuesday, 22 May 2012

下次食飯


世事好o既o野就o係好唔浪漫:阿媽遇到失踪多年o既(我)老豆,咁耐無見,第一時間就問阿媽張咭可唔可以套現金出o黎用,咁可以同佢夾錢做水貨生意。

一陣同佢地食飯,好緊張

JC:as a movie
DN:戲太差

呢套戲唔知幾時先會做完,雖然大團圓結局睇落開心,但係現實往往出人意表,或者係我期待意外劇情發生。

YO:夏日中的不浪漫
LM:那些年的爱情

阿媽老豆的愛情呢...um... 講小小先。阿媽話自已又唔係靚又瘦,當年老豆靚仔好多女鍾意,但係揀左阿媽喎。呵呵,阿媽咁講咪即係話自已仲勁過靚女羅,我話,老豆原來矮過你,怪唔得知我生得咁矮。

KN:中年人的超展開我哋估佢哋唔到架喇
LC:夏日處境劇

今日,我出o左去同佢地食午飯。因為阿媽係旺角返工,我o地係旺角食。差不多食完,老豆電話響,佢行出去講完電話返o黎o個時話有事約o左人走先。我話,阿媽我業無錢。阿媽望住我男朋友。然後我們成家人的飯餐就由男朋友一個人比晒,男朋友話,呢度係咪《一個字頭的誕生》o既片場?
呢次,係我一生裡邊第一次同阿媽老豆食飯,多謝李大心請客 XD

LM:你男朋友好大方

佢無計,鳥獸散,最尾留底者“埋單”

SK:我記得你亞爸同你講過佢好鬼有錢,話會分比你等你有好日子過, 哈哈!

我幾粒鍾前就係同你問的問題一樣,係個一刻,全枱人等佢回覆時,佢帶著太陽眼鏡,微微低頭,憂鬱咁話:阿媽無話比你知咩?
阿媽:你幾時有講過?
老豆:無咩?
我話:不如你而家講啦。
老豆:個的o野唔好提啦。
dead air o左半分鐘
碟雞o黎o左,老豆對住碟雞問:呢碟係雞定係鵝?
阿媽:係雞呀。

HC:哈哈 你一家真的好可愛 哈哈

男朋友更加可愛,佢比錢個時話,你老豆已經六十歲人,點解仲分唔到碟野係雞定鵝。
笑死我啦 XD

DS:when did u last see your father ar? Seems he is a stranger to you?
SK:He is so cute!

我對上一次見佢,好似係8年前,下一次見佢,都唔知會係幾時。

No comments: