今晚一起回憶中學同居的日子。
1
晚上過了11時回宿舍，閘已上鎖，她／我爬上閘，翻過去，走下山坡，在樓下的大門按鈴，C開門問為甚麼這個時候才回來。第二天會見修女，被罰一個月內的星期六日不得外出。我們都很懷念爬閘，很想再試。
L：無得爬啦，而家有24小時看更。
我：看更叔叔無得瞓真慘。
2
一位很喜歡在所有餸飯裡下獻汁的女孩子連炒菜也要加獻。她讓我從此不吃所有帶著濃重獻汁的餸菜／燴飯，甚至會讓我聯想到獻汁的羹湯也不吃。
3
在宿舍裡我以煮餸難吃聞名，輪流煮飯，終於又輪到我，我煮給大家吃自已卻不吃，以日清杯麵代替晚餐。
M：唔好食杯麵，無營養。
我：但係我高過你喎。
4
在街市裡我問大嬸：煮芝麻糊要買咩？
大嬸：芝麻。
我：要煮22個女孩子的分量。
我拿著兩大袋斤芝麻上山。
K：你買芝麻做乜？
我：整芝麻糊。
K：整芝麻糊點解要芝麻？你打算自已磨芝麻磨天光？
我：整芝麻糊唔用芝麻用乜。
K：芝麻糊粉。
我：吓，乜平時你地整芝麻糊係用粉開架？
K：梗係啦，唔好食咩？
我：好食呀。
K：咁你落番去街市買芝麻糊啦。
我：又要落山呀……
5
我患了腸胃炎，清潔嬸嬸羅太晨早回到宿舍清潔，順便帶了前一晚用鹽醃過的咸瘦肉煲粥給我吃。
我：哇，好味呀。
羅太：梗係，仲加左瑶柱，你日日食腸仔白粥唔好羅，聽日煲魚肉粥比你食。
我：好呀好呀。
第二朝羅太煲粥後蒸魚，將魚肉拆骨混在粥裡。
食完粥後我替她按摩，一邊按一邊問：點解你成日要按摩呢？
羅太：後生返工過勞羅。
我：點解會過勞。
羅太：返車衣好辛苦，車成十幾個鐘。
我：咁你唔抖下再車。
羅太：邊有得抖。
我：咁無人幫你按摩你點算？
羅太：買左部按摩機。
我：咁你而家仲有無車衣？
羅太：無啦，都無人要車衣。不過後生個時會自已車裙。
我：我唔鍾意自已個胸。
羅太：我都唔鍾意架，用沙布紮實佢。
我：吓，真係得？
得架。係辛苦小小，但係會好睇啲，個時我19吋腰乍。
我：19吋！咁幼。咪仲瘦過 T 同埋我，咁你而家咪肥左好多羅。
羅太：老左啦麻，無計啦。
