《羅浮宮法國瘋》（Sunset Song）大師級劇本一定勁過申請做 PHD project。唔止藝術版舒特拉的名單咁簡單。（德法語男主角係我喜愛的男神類型。）話怕別人把你忘記，好似佢地做單咁大鑊嘅嘢一樣無人記得。所以唔洗自怨人生無用，希望大家好好生活，黑暗總會/從未過去，值得用智慧去保護的由你行動。
《北非偷渡手記》（Those Who Jump）意外地好睇，W 話紀錄片無死錯人。套片由偷渡者自拍再由導演剪輯，有啲位係好《死亡習作》feel，坐太近真係跑到你暈。導演現場的 Q&A 環節雖然唔係妙語連珠，但大家對影片非常有興趣，分享咗唔少拍攝上的方法及影片的取向。好喜歡呢種人小小的放映分享會 ^_^
《超時空出貓》（Sum of Histories）仲以為係好 sci-fi既搞笑戲，點知又係愛情底，不過都算係咁，為左溝死女，命運無限 loop
《夕陽之歌》（Sunset Song）第一次睇Agyness Deyn做戲，情感流露細膩，演得不錯。不過套戲我嫌做農夫做得太乾淨，啲衫全部無泥，雖然明知係導演要拍到咩都乾乾淨淨靚靚仔仔，晒詩意咁讀句句押韻蘇格蘭文學對白，她們住的農莊亦靚到天堂咁，不過真實的農民生活又點會咁一塵不染。「人和海會消亡，只有土地永恒存在，她夢到自己變成土地」
《花與愛麗絲殺人事件》（The Case of Hana and Alice）青春片之王岩井做卡通片一樣出色，尾片 credit 播出他手繪的 storyboard，可以留步睇到片尾。
《蒸汽女孩與不死貓》（APRIL AND THE EXTRAORDINARY WORLD）唔洗問，我係好想要電影中的「生命之水」黎救貓 BB。
《冬之歌》（Winter Song）為左一位法國男演員而入場，唔算好明白，想睇多次 :P
