Friday, 6 September 2019

連結人心的善

(((上海 ABC Art BookFair)))

😷恐懼似病毒感染。恐懼是甚麼,自由是甚麼,可以借今次去想想😷
🌟周末要到上海四天三夜。兩位上司一聽到大驚,都勸我不要去。

我問要怕甚麼?

上司A:我要拜山都不去,你真係去?
上司B:咁你咪自找麻煩,等過一排風聲無咁緊先。
我:我無野要驚喎,我無做任何錯事。
上司B:咁你都無需要証明自己唔驚而去take呢個risk,唔值得羅。
我問:有咩risk?
上司B:咁至多係扣留你兩日羅。
我:咁又灰啲既,我個trip得四日,等於無去。但都係扣留啫。
上司B:咁你都灰啦,block out兩日喎。
我:至少我不能是招妓被扣留15日掛。
上司A:咁你可能亂過馬路影響公眾秩序。不過睇你七七下都係兩日個種。
我:佢地咁怕我地返去講真相?
上司B:你去到都百辭莫辦,你過關又要delete晒啲野,佢地個邊得假新聞,以為我地只有成街暴徒整亂香港。
我:咁但係我本身都無諗住同佢地駁。
上司A:咁你真係去就小心啲。

其實本黎我無諗咁多,講真返去參加書節又唔係做賊。我記得當年話要去西藏新疆,咪一樣話危險唔好去,我都係要親眼睇下。當然今天的事同個時唔一樣,但我真係無野要驚,就算扣留或者即日遣返,「成本」都好低。想想平時我最尊敬在國內的維權律師需要面對的恐懼,我如果只係過關畀人check下都驚成咁,我有愧對佢地既尊敬。

🌟奇蹟🌟上星期五飛,星期一早上回港,幸運地無被檢查,上下也順通無阻🌈

到上海前聯絡了幾個內地舊朋友,都是之前旅途或網上認識的,她們熱心的幫助與慰問。我覺得,未來我還是可多回內地。希望把人與人之間連結的心帶到不同的地方。若果制度暫無法改變,但願人心的善能改變更多。

No comments: