Friday, 14 May 2021

【5。見一鑊打一鑊】






辦公室性愛暫告一段落,這些好玩的性愛計劃,其實要雙方又細心又大膽,再加點點運氣先事成。 

可是這天朋友就覺得自己「唔好彩、行衰運」,因為佢喺地鐵比阿叔用碌嘢磨大脾!這些令人憤怒的非禮事件,除了對賤精見一鑊打一鑊,踢爆佢春袋,仲要佢・剪・J・謝・罪!  

【5。見一鑊打一鑊】好不容易約了三個朋友一起肉帛相見創作,單單想到我們四條肉一起已經很興奮。本來我們打算互拍,不用再分誰是模特兒誰是攝影師,齊齊拿出相機,一齊裸體,一齊拍照。可是事與願違,就係比條仆街地鐵阿叔搞頽哂,令大家都無心情好好影相。 

「頭先我搭地鐵嚟嗰陣,好多人好迫,我扶住條柱講緊電話,感覺到有啲嘢係我大脾係咁磨。我初時以為有人個袋撞到我啦,轉頭一望,點知有個阿叔對住我淫笑!佢下面凸起哂係我大肶果度磨!我嚟唔切反應,地鐵門一閂佢就閃咗!」朋友M說。  

「吓!」我們都同聲驚叫!M說這已不是第一次,之前她常穿短褲,又係試過比個阿叔喺地鐵非禮,之後就幾熱都着長褲。今天M也是穿長褲的,她很無奈,男朋友的回應更叫人失望:「咁你下次要避免呢啲嘢喇。」M反問:「吓?係我問題嗎?!」  

如是這,這晚我們四個女孩仔就相擁在一起,希望安慰M,又為她想出不同對策。「其實上一次事發後,我已經提醒自己下一次要點應對,要大聲鬧個阿叔,當眾指住佢喝住佢。但今次又發生時,我竟然仍然毫無還擊之力!」J 說:「事情太突然,有時也很難反應得切。但似乎啲大叔當左你係獵物,你下次一定要追出去指住佢嚟鬧!」我說:「太離譜喇!我一定會追出去拉住佢大鬧一場。」M很無奈,我們都叫她不要自責。「下次再遇到佢一定要大叫,等自己或其他人衝出去,抽住他!一定有人見義勇為幫拖嘅!」 

在日常生活中,我們確實要多關心身邊的人,便不難發現受害人仍然沉默,而很多時女孩子更會為自己無力反抗而自責;而那些不知就裡的外人,而更傷害的是,至親的家人或男女朋友還會把問題歸疚於受害者身上。 

在Netflex劇《Sex Education》第三集,就正正述描過這一幕:女主角A被一位陌生男士在巴士上性侵犯,同樣地當時巴士上人多擠逼,A那時身穿牛仔長褲,那男士卻站在她身後自慰射精到A的大脾上。(https://www.youtube.com/watch?v=Xr1Fz7a0OO4) A之後立即下車,一開始不明所以,也不知如何應對,也以為小事一件,不值一提,又不好意思講出來。這事慢慢在她內心形成壓力,讓她害怕坐巴士,又時常幻想遇見那位侵害者,幾經辛苦,最終和好友說出,才讓好友陪伴一同克服心理陰影。 

這看似平凡、很多男人看以為的「小事」其實對受害人心理影響很大,下次若果有朋友向你提起這些性侵或性騷擾,不要猶豫,請先給予支持與安慰。但勸對方千祈唔好自責适「唔好彩」,一定不能歸疚自己的運氣,錯的是侵害者,下次一定要抽佢出嚟,踢爆佢春袋,剪佢條J! 

#candycrush #feminist #🍭weekly  
#甜古 #手足甜古系列
#metoo