Friday 3 September 2021

【16。Staged Photography:雙方傾好就OK,我哋扮sex】



【16。Staged Photography:雙方傾好就OK,我哋扮sex】

「啲人成日話做完愛之後影嘅相會唔同啲㗎喎,我覺得我影你都真係麻麻哋,不如我哋試下sex,可能之後影啲相會正啲呢。」他建議。 
「我唔係太信。好多人影我都無同我做。」我答。
「你嫌我J細。」他抗議。 「我鬼知你幾大咩。講真如果我有興趣,一早問咗。識你咁耐無feel就係無feel,完全唔想同你做愛。做friend咪幾好~」我無奈。
 他很失望,沉默了好幾分鐘,才認真問:「既然唔sex得,咁我地扮sex影得唔得?」 
輪到我沉默起來。面對眼前多年好友,見識過他對攝影的認真和執着,亦當過他的模特兒無數次,有着衫無着衫的上山下海的,我覺得只要大家坦白商量清楚,或者很多創作都不妨一試。
我第一次認真考慮道:「咁呀,好啦~扮吓啦,假動作。」
「當然啦!扮嘅。」他興奮地跳起。 
我覺得有點放水給他,但就來一場實驗吧~我也好奇結果如何啊。 

拍攝當天相約在尖沙咀的酒店,我穿了條半透明的吊帶女僕黑白圍裙,胸前一片白色心形厘士透出乳房的線條,領口上有個小小的黑色蝴蝶結。圍裙露出整個背部,腰間只有一個黑色鈎釦着,擺動圍裙的皺摺就會露出圓圓的屁股,當然還少不了表現絕對領域的長黑色絲襪和厘士T-back。 

事前我們協定,一切拍攝不得隱晦,全部要先講明,若中途有任何改變,雙方都有權否決及即時停止。這次主題是女僕裝,道具是食用的cream,拍攝部分會有身體接觸,但每個動作亦要大家同意。 

我夾着胸裝可愛先讓他影了一陣,然後他遞給我一支cream,叫我隨意塗在咀巴和身體上。「扮你啲精?」我取笑道。「你喜啦,乜都好。」他有點尷尬。我笑着把cream噴在口內,士多啤梨味的,甜甜的很不錯,我讓多出的cream自然從咀邊流至乳溝之間,又用舌頭舔着咀唇四周。「比精好味得多啦☺️」我心想。他把握這段時間拍了好多相片,急不及待地分享了一兩張給我看,他認為意境夠淫,好似被迫顏射的日本AV女優look,非常合他心意;我卻只對自己的閪面cream樣也很合意🤣。雖然大家從不同視點出發,但對出來的效果收貨,就準備推進下一階段:身體接觸。(好緊張啊~)

「你先喺梳化做啲合埋腳扮怕醜果種,然後再含蓄咁做個引誘嘅表情,又一邊唧啲cream係個胸同身上查下查下。我影左呢啲先,跟住你就瞓喺度,我會就住個力壓喺你身上,我地中間要有啲cream。我會用高角度影吓我地之間既cream,仲有你個樣我個樣之類。之後我會同你保持番個距離,但你要扮啲enjoy樣,我又再影吓。」他機關槍地一連串說明接下來的拍攝要求,一邊手舞足蹈做出所有動作,我忍不住笑了,卻惹得他有點不高興。「喂呀,係咪影㗎。認真啲吖,作品嚟㗎。」「OK,你一陣就住我呀,你牛高馬大,唔好夾死我。」我收起笑容,然後依照他剛才指導,努力擠出那些含羞答答的模樣。此時他亦脫去上衣,並一再鄭重地提示:「嗱,我瞓上嚟㗎喇。」我看着乳溝、肚皮到陰毛上一堆堆的cream,其實有點涷,我深呼吸一下:「READY~可以喇。」  

他就這樣壓上來,一邊腳貼着地板,一邊腳騎在我身體的另一邊。我感受的壓力不算太大,但始終心口被擠壓着,我還是要頗費力地呼吸。他一邊平衡着身體,一邊提着相機對焦在我們的胸部之間,中間隔着的cream被他的體溫溶掉,雖然黏黏的,但感覺比預期溫柔。我看着他努力地去找角度拍攝我們的胸部就覺得很好笑,但為了不用NG,我忍住了笑容,並盡力去出演色情的樣子,連反白眼的假高潮樣子都做了出來😬。 

不一會,大家都真的有點累,「一齊休息吓吧。」他說。我指著身上濕淋淋cream:「我可以換衫沖涼未?好唔舒服,你影完未㗎?」「你換衫啦咁,影到呢度差唔多了。」「YEAH~」我衝進浴室清洗身體,穿好衣服出來,他已經在電腦前覆檢剛才拍攝的相。 

「你成日做埋啲柒樣,啲相點會出嚟係性感呀!」他投訴。
「攝影師技術唔夠就賴我🙄。」我抗議。
「你反白眼喎。」
「你唔係要呢啲高潮眼咩?」
「你睇多啲AV補吓習啦。」
「你估我成日影呢啲,係你咁friend先試下咋。」
「其實影出嚟效果都係麻麻,始終唔係真做。」
「我試過同ex一邊做一邊有朋友喺隔離影,結果出嚟的效果都唔OK。大家都想學荒木經惟,但情色攝影唔係咁易影架,你以為真係做愛就會影到咩。」 「咁你係咪再考慮下同我真做?」
「無feel呀,大爺,問幾多次個答案都一樣。」 
「咁你改變主意記得話我知。」 
「下世⋯⋯」 
. 
. 
. 
model @ms_fe___ 
 photo by @siuding_ii 
 .
 . 

#candycrush #feminist #🍭weekly 
#甜古