舊書們，跟我走吧！

又，引用2004年7月號《BRUTUS》。
以下呢個不停換衫的靚仔，係舊書店前對書咁講：可愛的舊書啊！我無辦法帶你地返屋企了，我只可以每日係度陪你地，因為我用晒ｄ錢買衫...

無聊打字人：=.= 好無聊啊！點解我要打呢個post！新宿的舊書們，跟我走吧<--默默地希望著...V_V

抄書《最糟也最棒的書店》松浦彌太郎 ( 增訂版)

2008.8.11

「我想了解、研究的事物，很多都是因為一個小小的契機，或者小小的趣味給引燃興趣的。當時，雖然也自負於年紀輕卻知道很多事情，只要稍微改變看事情的角度，就可以發現自己所不知道的世界。當時對於涉獵的知識領域越來越廣泛這件事情本身就讓我覺得很開心。像這樣同時吸收美術、設計、音樂等不同領域的東西，在某個地方全部都會連結在一起。然後再從這裡，跨到另一個領域，感興趣的東西就像波紋一樣，不斷擴散出去。這樣接觸越多，可以實際感覺到自己內在的厚度越來越紮實。而隨著擴展自己的知識，喜歡的東西跟討厭的東西也會看得越清楚。只要知道喜好，就可以確認自己的品味。就算是在同樣感興趣的領域裡，或許也想藉由選擇喜歡的東西跟討厭的東西，來發現自我。」--《最糟也最棒的書店》p35最尾一行到p36第9行

松浦彌太郎/述者
江明玉/譯者
布克文化/出版
ISBN 9789867010094

（以上希望我沒有打錯，因為頭開始漿著@_@...似乎又要發燒...）
今早在地車內讀到這一段時，十分感動。多謝譯者，雖然未知日文的原文，我亦十分喜愛這段文字。

--------後記------------------------------------------------------
同事B發現左我看《最糟也最棒的書店》（看完了^_^），於是佢借左呢本2004年7月號的舊《BRUTUS》比我。哇！好想老劫左佢唔還羅！上網找過無得bid無得訂，如果真係要找到這本書，唯有黎一次book hunting。不過我用左老翻fans們最original個招－－scan　desu！咁可以同大家份享下松浦大人的book hunting同埋佢係2004當時手上有的書...我諗呢ｄ書大都比人買晒走了！（各位，唔好告發我...>_<...我平時唔係咁架...但係呢本書似乎真係買唔到...而且同事B看來仲有好多寶物，我唔同以老刼左一夥樹而放棄個森林！）

再引用松浦的話來為以下的2004年7月號《BRUTUS》作開場白吧！
「現在的年輕人在看國外雜誌時，也許只是在追求圖像的時髦感，即使看不懂文字，光看內容也會有很多的發現。」--p120尾10行 

再超級多謝同事B借這本雜誌給我！
來吧，齊來望梅止渴！^_^ Book Bless You ！

佢地係度透視奧運

佢地２隻野用眼訓透視眼睇緊電視播既奧運 ^_^　哈。

HKEJ Design Pool 成員

呢度無一人叫Tim...^_^，亂排的，左→右: P/SD/T/R/A/B

漢堡包將甜品店和文具屋買回來 \(^O^)/

上星期六，２個漢堡包同魚柳包去左188商場。漢堡包終於買到這個可以拉出來的一筒筒的糖，其實上幾個月前黎時已看到，不過無買。於是漢堡包掛左佢地幾個月，今次終於帶佢地返屋企了！
漢堡包不是專買食玩（食玩＝食物玩具）的fans，只係仲意甜品，所以想買那盒甜品店 Mini Sweet。不過...

漢堡包：哇，個文具屋靚ｄ喎！內裡的細書仔係可以打開的!好神奇呀！咁我買文具店啦。
店員：話文具店有新的，但甜品店只有最後一盒了。
漢堡包：吓，咁呀，咁唔買就無架啦喎，
魚柳包：係呀，你唔買就無架啦...嘿嘿....
漢堡包：咁好啦...我買甜品店啦。
漢堡包大出血買左甜品店後，眼甘甘咁羅住個文具屋，左看右看。

魚柳包：其實個文具店的文具我有幾款，係真係幾靚的...
漢堡包：係呀，咁你唔儲齊一套?
魚柳包：算啦，我都有幾個款，買番成套那幾個多左做乜...唔買！
漢堡包：真係唔買，咁我買左你咪恨要喎
魚柳包：我先唔會呀...
漢堡包問店員：如果一次過買晒２間店係咪可以平ｄ？
店員：已經好平架啦...好啦，一次過買就平10蚊比你啦。
漢堡包：咁呀，我得咁多乍...魚柳包，你有無５蚊雞啊？
魚柳包：拿比你啦...=.=!!
漢堡包：好野，慳左15蚊，呵 \(^O^)/
咁而家魚柳包羅住的文具屋都係漢堡包架！ \(^O^)/ 漢堡包萬歲！ \(^O^)/

漢堡包２號最來到血案現場。
漢堡包２號：哇！有無咁誇呀！漢堡包你買咁多即係好有錢啦，請食飯。
漢堡包：無晒啦，買晒野啦，咁一係我唔食請你食啦...

變身做漢堡包\(^O^)/

星期六下午放工後，去左灣仔食Wow Burger。A好失望，因為佢仲意這兒還是舊式店舖的樣子，而家變成新型的快餐店了。
這是我要的粒粒焦糖漿西多士，食落的texture似個Puff多點，好味！
這間Wow Burger同中環的Monster Burger係姐妹鋪。呢個芝士牛肉漢堡，中環的Monster burger較貴，但手打牛肉餅的厚度較厚，食到尾都係肉，Wow Burger的肉較小，食到尾係包，咁體你仲意包定肉了。２間的牛肉味道相同，肉質霖而多汁。呵呵，而家諗起又想食。 \(^O^)/　<--食左漢堡變漢堡包

A要的他他漿魚柳包好味，但無乜特別。

不（想）老的少女（漫畫） iii（完）

這亦是在網上找到的另一張《CHIPER》的圖。小學時代。

小學時代最喜愛的，首推高田明美的《魔法の天使クリィミーマミ》(港譯:小忌廉)。但這已是在小一時，住入宿舍以前的日子，我天天放學後就泡在家中的電視前。入住宿舍後愛上少女漫畫的我，當時熱衷於問同學或大姐姐們借，上了初中也有只有更瘋狂地租借，卻沒有想過要擁有它們。即使我如此喜愛《CHIPER》我卻無諗過要買套，反而今天想起時很想補買番...不過好難找呢...T_T...
以下是在網絡上找到相，展示這套中古的《CHIPER》已經被買走了...T_T...好想要啊!
而我小學時擁有的書，全是長輩送給我的。由於長輩A喜愛宋詞名句，我亦限著看。手邊有的書，都是宋詞，唐詩之類。

小學的日子天天很忙很忙，午飯限自己要15分鐘內吃完，然後趕快完成當日的家務，再回到宿舍中自己的書枱前拼命完成上午己發出的功課。下午上課時，更會一邊在枱上打開該堂的課本，一邊在櫃筒內做另一科目的功課，有時放工前已經趕起所有功課，或者只要回宿舍稍花小小時間就做好了，其他時間就是看書再看書。
螞蟻同學為我起左個花名：書蟲。因為我何時何地也要看書，不喜歡和同學朋友分享想法或表達意見，盡可能不參加群體活動... 也許是我不想表達自己啦，那段時間的我是封閉的，所有人在我身邊也要有function才可以在我心裡有個位置，我也從來唔恨家人要來探我或帶我外出。我的世界細小而快樂，因為有書本，令我的眼界和想像飛越空間上的限制。

（當時其他的media呢﹣﹣電視不是天天可以看，要第二天是假期的前一天晚上才有電視看，通常是晚上七點到九點左右。那時唯一想看的只有《天涯歌女》。收音機是宿舍的早上七時鬧鐘，因為本黎的的百年大鐘被送到博物館展出。cassette 機係為大姐姐們聽草蜢，梅艷芳和張國榮而服務的，佢地會瘋狂地將同一個帶 Loop 一整天，唔洗止意可以覇到1分鐘。大姐姐們的寶貝cassette 盒和印有歌詞的cover 不會放出來比人隨意參觀，咁草蜢和梅艷芳的歌聽到耳鳴同埋識背，但仲係唔知個首叫咩名 @_@！宿舍的定期訂閱刊物為《兒童樂園》，我也有追。）

今天的我已習以為常，去邊也要帶本書，就算不看也要羅住，一書在手就有安全感...當然，大大的時候更不可以缺少它。^_^ 呵呵。
初中的少女漫畫，是畫《ガラスの仮面》（台譯：玻璃面具／港譯：千臉女郎）的美内すずえによる、畫《凡爾賽玫瑰》的池田理代子，以及畫《魔影紫光》《闇河魅影》筱原千繪。其中我比較仲意筱原千繪。她的少女漫畫經常和鬼怪，異能，懸疑和案件有關，她所畫的奸險的少男少女同樣迷倒眾生。其中一個短故事係美少年變成貓，靚仔過貓王 ^_^　呵呵…其實還有萩尾望都的《波之一族》、赤石路代的《阿爾卑斯的玫瑰》(港譯:雪嶺飄零)等等...太多了...

而最愛的當然係細川知榮子的《王家の紋章》（台譯：尼羅河女兒），這個故事我中二時一套租回家在以一晚通宵看完６２集，當時的故事未完直到今天，曾經一度以為細川己經死了，但當然唔係啦，只係無新的故事發展…

我曾經問過我初中時唯一的同班同學兼好朋友M：你要不要看這本少女漫畫，好好看啊～
M接過漫畫看了看話：點解個個人樣一樣的？
我：唔係喎，點會呀？呢個咪主角羅，個個唔同樣的…
M：邊係呀，個個樣一樣喎！
我：你看唔出分別呀，咁你認住ｄ髮型啦。
M：哦，但係到底邊個係男邊個係女？
我：^_^!!（流汗）……你真係看唔出來嗎？
M：長頭髮係女呀？…哇，完全認唔到邊個打邊個，比番本書你…
我：>_<　好吧…

之後我看少女漫畫的日子不曾停止過，大概是因為久不久還是想發下夢，那些「學長你好棒啊！」長期活係漫畫裡面，好靚仔啊！由上年開始就好愛的《櫻蘭高校男公關部》主角春緋（我看大陸版的卡通片集係繹春日）好靚仔又好靚女，哇，超可愛！最近Y帶我去信和找到好平的成套二手，我忍唔住買左回家收藏。漫畫節的20x30吋poster也到手了，多謝Y啊！\(^O^)/　不過我仲未將佢貼出來呢。這是我續《交響情人夢》以來儲的第二套少女漫畫。其實家中還有成田美名字的《花樣能樂師》1－3集，但第4和5集出了卻一直未見街有得買，上網訂的話又貴，要成70蚊一本…>_<…比標價貴一倍。上星期六，８月１６日，去了１８８見到有台版的《ガラスの仮面》（台譯：玻璃面具／港譯：千臉女郎）好想買番成套４２本，約六百幾蚊其實唔算貴呢，但係仲有無位放呢…至於《CHIPER》卻一直找不到 X_X…慘慘。

其他的例如近期的《金色弦琴》也看了，但係麻麻地。而《NANA》《蜂蜜與四葉草》《花樣男子》《花樣少年少女》等都好hit，但我對佢地完全無慾望。《NANA》在未好出名時一直有追看，出名後返而停了，其他的都只看過一兩本，可能裡覺得太hit成日見到反而好煩，但係點解《交響情人夢》無比我呢個感覺呢？真係唔明自己搞乜鬼。

PS.狎井守監督的新片也似愛情為主呢，不過不是少女style，可能我仲意的新海誠新作《秒速5厘米》還算接近一點吧。唉呀，仲有永野護的《五星物語》啊，我是仲少女街械人的...我當佢係少女漫畫黎架！（唔準笑！）不過仲意的野太多不能全部例舉了。^_^ 最重要既係，我仲係（假扮的）少女啊！^_^ hahahahaaaaaaaa

噯，永遠係靚仔同靚女們，記住唔好踢爆我啊！\(^O^)/