小六那年，我媽肚內有了她第三個孩子。年頭農曆新年同埋暑假的一段時間，她好罕有地帶我回家。家中無電視，係大約200呎左右的套房，我訓上隔床。媽的生活係日夜倒轉用，咁我照跟佢，主力看漫畫，或者約住附近的C同學看戲，因為C同學好靚女，我好仲意見到佢。
平日係屋企我對住一堆由《怪異集》《刀劍笑》《中華英雄》等疊成的書山，我勁開心，不停咁看。當中我最仲意的就係《俠骨神鑑》，今年呢本書係漫畫節重出，我即刻買番。
我之所以咁仲意《俠骨神鑑》，係因為有別於《怪異集》的齋講鬼（仲要係短篇居多，其實好都唔係好怪異，又唔恐怖，實情我係好怕恐怖野的）或者《刀劍笑》《中華英雄》等個ｄ齋打（對於我黎講係齋打），《俠骨神鑑》本身的係長篇故仔，同風水、因果有關，故事的元素好多，有妖怪，有鬼有雅術，有密宗的大混集，真係人鬼神佢乜都齊。當時細個無理佢講得啱唔啱或有無做reseach，總之覺得咁樣好有趣，而且男主角的身世之謎加上佢成日話唔要錢作報酬實在好有型 ^O^ 今日再睇番都覺得佢好型啊！但個時都係有一集無一集咁睇，已經叫媽盡量買齊，但係佢有時一係唔見左本，一係又唔記得左我未睇掉左…>_<… 於是有日我看無可看，趁日間家中無人．我爬落床底，打開黑色膠袋包住的一大袋禁書，哇！真係連「蛇貓狗」都有，咁我照睇，ｄ女人塗晒油訓係車度映相，又醜樣…都唔好睇既。見到有好迷理的１８禁漫畫，打開一睇，ｄ公仔的畫法好舊又唔靚，仲印到好差，應該係老翻…唔緊要，漫畫，最緊要有得睇，照睇！結果成屋乜都睇晒.，唯有等出新書。 放假完左返到宿舍，我完全無掛住ｄ港式漫畫，因為開始同無數的日本少女漫畫作戰，當時看的其中一套係博益曾出過的《青春宿舍族》（我擁有一套，不過缺了其中一集>_<），然後係追看成田美名子的《CIPHER》（港譯：青春物語 / 台譯：雙星奇緣），成田美名子畫的男仔永遠都係咁靚仔，我愛到佢死啊。 這是在網上找來的《CIPHER》第一期封面圖，而家看仲係覺得好靚呢！
（待續...）
