傻貓係呢一刻唔傻又似傻咁話：「吓！本黎請我番黎講好左係有１個半月時間比我研究，造出一系列最好味既餐湯喎！」
老闆大象：「車，你又話自己好快手既，咁你趕咪得羅！你而要快ｄ手架麻，比人出先我地大獲架啦！」
傻貓以一個好灰既表情話：「我盡量快啦。」
然後傻貓返入廚房，忍唔住同大廚純鹿發牢騷：「車！老象要趕起ｄ湯唔係唔得架，加錢比我ＯＴ幫你趕羅。之前佢話趕我都盡量趕啦，但係呢次呢個系列幾共幾款既餐湯做落係簡單架，同之前幫度既行貨前菜食譜好唔同，佢點可以咁比，唔通又係想造ｄ行貨出黎咩，我就唔想羅（下刪千字怨言）……」
大廚純鹿：「唉……算啦，我盡量幫吓你手啦，希望你順利d，老象佢係咁架啦，我忙到咁都都只係請你左你做兼職黎幫手……都無計啦。」
結果傻貓忙上加忙了。
上星期三，傻貓在廚房試湯竟然由晚上試到第二日既清晨。返到屋企後昏睡到下午才非常唔好意思咁打電話返去食品工廠度請假一天。到真正訓醒既時候已經係係下午４點，佢好驚訝，而且實在太離譜啦，因為佢miss左一個好重要既展覽會。傻貓用九秒秒九時間是單濕下個頭吹吹幾支豎起既貓毛，然後換件衫就閃去High Class City內既流動蛋展館。去度個時，豹紋老師已經領著同成班動物一齊食緊野，頂替傻貓出席既肥妹熊熊腳(足辰) (足辰) ，一見傻貓行埋黎問：「個展覽好唔好睇呀？」
肥妹熊熊：「梗係好啦，不過你又無黎。你實係訓過龍啦……哈哈…… 傻－貓－」
傻貓：「咩喎……我好攰呀麻，我好想黎睇架……」
肥妹熊熊：「呵呵，你無機會啦，呵呵……」
傻貓：「我唔制呀！」
然後瘦貓驚醒左，當時２點半，勁怕惡夢成真，即刻梳洗打士出門。超早去到流動蛋展館，好有品味既獅子大嬏同埋肥妹熊熊都無黎，雀仔阿王同音樂魚仔頂替佢地。事實係同夢境唔同，個展覽麻麻地，係可以唔睇既，雀仔王勁話水皮。傻貓見識少，係覺得幾好，有幾件作品佢幾仲意－－水的倒映、大皮手袋＋粉盒、Chanel皮格手袋making of 相片及許願樹（綁在樹上的願望：「金錢豹快ｄ發達」），不過荒木經椎既那輯相就非常麻麻地，直情唔仲意。豹紋老師、音樂魚仔同埋金錢豹就一切話：「整體未算真係好壞，都ｏｋ算係咁羅，又有本書送。我都好仲意水的倒映那個。」
以下即流動蛋既相片由音樂魚仔拍攝。
這個magic hour既相，估計係音樂魚仔係夜小小既時間係大會堂高座個邊透過玻璃窗拍下的，好靚啊！
大家一齊係café食左下午茶，傻貓雀仔阿王２個人合叫左雞扒烏冬及焗意粉，個雞扒烏冬內既烏冬唔係用普通即食烏冬煮既，係似手打冬烏的質地，超好味！
餐後四散，傻貓返餐廳工作，無時間隨豹紋老師去電影節看戲。
呢晚傻貓又做到３點先放工。唉真係陰公，真係為左個錢，但係又要去玩，夠到咁命苦。
