假期完左，復活兔、傻豹都要一早起身返工。捱左成日，晚上十點半傻豹打比復活兔話要食一齊去食甜野，於是相約在變態森林Area Kreme。
今晚著左白邊黑色西裝褸配紅鞋既復活兔鬼死咁慢咁跳上的士去變態森林既時候，一身墨綠+黑色既傻豹已經閃身跑到去變態森林Area Kreme裡面。傻豹係Area Kreme見到佢最仲意食既紐約芝士冬甩買淨２個，佢驚死一陣比其他動物買左無得食，等唔切復活兔出現，就order左半打冬甩如下：
（左起第一個順序）雲喱拿鬆圈 Glazed Vanilla Cake、巧黑力鬆圈 Chokko Fudge Cake、蘋果王桂Cinnamon Apple Filled。
（第二行，左起為）紐約芝士New York Cheesecake、泡沫咖啡 Cappuccino Kreme、朱古力扭紋 Chocolate Cruller。
傻豹一隻野坐係度眼甘甘望住半打冬甩，聞到ｄ甜味都流晒口水，就係差ｄ想搶先自己開波食先既時候，復活兔係門口跳入黎。佢一見到半打冬甩排排坐就話：「哇！變態架！買咁多！」傻豹：「咩喎！買５送１喎！咁本黎都諗住要４個啦，咁抵ｄ架麻。」復活兔追加了一杯好大杯既cappuccino啤酒後，２隻野開波食食食。
晚上十一點半，變態森森 Area Kreme 打烊，２隻野行左去Area M，復活兔等傻豹尿尿完後，離開變態森森走入地底隧道後各自歸家。復活兔返到屋企後，覺得好飽訓唔著，於是搵左書蟲傾計。而傻豹傻下傻下咁成晚口甜甜，跟住疴左篤「甩屎」。
