太久沒有看戲，上星期一連看了《藍精靈》、《武俠》和《功夫熊貓2》。
《藍精靈》完全不好看，勸不是fans的人不要去看。（散場時我覺得其實「被騙」了入埸也沒辦法，因為就算之前有朋友說不好看，但是因為我喜歡《藍精靈》，怎樣也會進場自己去判斷是否不行的。）
《武俠》就麻麻地，打鬥場面場面是OK的，但打鬥部份至多只有三個人有點不夠「喉」。故事雖不吸引，幸好有靚仔金城武頂住，而且所謂「武俠反轉武俠」呢，我覺是OK的，所以介紹了 A 看，但她說除了結尾打雷那part，其他劇情都非常正路，毫不「反轉」，說我「搵笨」:P
最好看還是《功夫熊貓2》，其實原本沒有打算看的，因為我沒有看《功夫熊貓》，而且覺得這f類「鬼佬」扮中國o野，通常都係「奶o野」，不過一路聽回來的評語都讚口不絕，在戲院看了trailer，也覺得很不錯，結果就連星期六晚上的廣東話版午夜場也不放過了。
平日看「鬼佬」製作的卡通，通常也選看英文原版，不過這晚只有廣東話版本，因為太想看了，便試試看吧。結果讓我喜出望外，陳奕迅和其他人的配音超級好笑，廣東話對白也寫得很鬼馬，整套戲沒有把中式的東西over done，笑位一個接一個，開心得沒完沒了。
不過陪我去看的 S 就說沒有感覺。
我：勁鍾意
ｓ：我覺得無乜野
我：唔係喎，我聽到你都有笑喎。
ｓ：成套戲我有兩位係覺得OK o既。
我：係邊兩個？我知，係咪熊貓上左個塔，然後見到孔雀時，孔雀說『你呢隻熊貓！』然後熊貓說『你呢隻孔雀！』
ｓ：係呀係呀。
我：咁第二個位呢？
ｓ：a...唔記得左啦。
我：車～
散場後我看完字幕才走。
ｓ：算啦，d人要收工啦。
我：唔緊要啦，睇埋啦。
ｓ：唔好要人地等啦。
我指著銀幕的名字：其實佢地都成日 OT o架。
ｓ：d 字幕咁快你都睇唔到佢地個名啦。
我：咁睇到我都唔識佢地添，但係無佢地無呢套戲啦。
ｓ：……日場的人會睇o架啦，午夜場你比人地早點放工麻。
我：咁都係唔差好多，都係十分鐘唔夠 ^_^
