Thursday, 16 February 2017

▉ 關於身體 ▉ 4 ▉ 食物感恩

無想過嚴重腸胃炎,係會令人反思人對美食既慾望。痾足五日:第一天午飯後開始疴,飲杯水都疴,疴到腳軟乜都唔敢食只想瞓。第二天吊完鹽水,只要有一口粥水落到肚就覺得開心,加埋鹽、加埋鹽、淨係加埋鹽就簡直美食!第三天,大廚叔叔煲粥時加點果皮,哇,香到,食完乖乖瞓一日。晚上爬起來就只想到櫃上的辛辣麵,結果煮了個烏冬,加入鼓油,雪雪聲唔敢食太快但已經太快,感到世間幸福就是這樣。第四天,心思思,已經叻叻少疴左,前一晚一篤臭過臭蛋同臭豆腐的青綠色便便都算是「終極一拉」,決心挑戰非油炸的出錢一丁乾麵,重點是經常掉左包味精粉的我完全改變性格,為的就是那個味,至多唔落油包,唔洗五分鐘麵就搞掂左,到入湯碗內,用手拿著已經想哭,太幸福了 😭 是一個麵、是一個麵、我終於可以吃碗麵,夢想成真就是這意思!
第五天.....慾望是無止境的,但食物讓人感到幸福。為食物感恩。🙏

No comments: