【6。賤男實錄：作客主場都想強姦你】失業的日子似要來臨，喺比人炒之前，當要先做好準備：除了在網上找工作，也想作新嘗試，剛好N年前畫班師兄開了新studio，他說正在物色幾位助手教畫，就邀請我作畫班導師。「可以啊～我識教畫素描，之前也有教過初中及小學生畫畫嘅經驗。」「咁好啱喎，不如搵日去我上環個studio傾吓，順便睇吓場地。」「好！」
如是者，就在這晴朗的一天，我打算先去師兄的studio，稍後再和M到小酒店影相。（就是這張圖文不符的作品 ）出發前，師兄text我，說剛好在大埔離開，問我要不要坐順風車，住錦田的我當然樂意～「咁你屋企樓下等啦。」「OK👌」
我住在村屋的二樓，轉眼就從露台看到他的車子到了樓下。他下車向我揮手，我向他大叫：「我現在下來。」一打開樓下大門，他就問：「可否上去望下？我都係住村屋，想八下你呢度啲間隔好唔好。」「哦，咁隨便望望啦。」我有點意外，但反正他車我出去，一定不會遲到，便大方地讓他進屋。
他上樓後四處走走，一邊問：「你一個人住咁大？」「係啊。」「房間只有一張大床幾好啊。」「IKEA 只有這張最平⋯⋯」不知何時他走得很近，忽然正面抱住我：「不如我地喺度做？」我跟畫班師兄相識幾年，從來只在畫班上有限度交流，他忽然施襲，將我的身體夾得很實，我盡力用手在中間撐開他。我好驚，仍望着他雙眼，以最冷靜的語氣說：「唔想喎，你係咪想格硬嚟？」他迴避了我的眼神，鬆了鬆手：「當然唔係啦～」「我對你無意思喎，你係咪誤會咗？」「咁又唔係。」「咁我哋仲出唔出去？我可以唔去，下次有機會先。」「唔係啦，當然可以一齊出去啦，去我studio睇地方嘛，喺車上面我可以講解一下現時畫班嘅情況。」「咁呀⋯⋯？」「行啦～」
雖然覺得他剛才的舉動機乎令我想叫救命，但現實地去想：由錦田直接坐車到上環實在方便，而且我之後又約了M，如果現在拒絕他，我就要去坐5分鐘村巴再行15分鐘到三號幹線巴士站唔知曬幾耐先再等到有巴士再坐多40分鐘到上環。「好吧好吧。」我想師兄跟隨同一老師學畫多年，也不像個壞人，他也不想在畫班之間流傳甚麼不好的聲明吧，他該不會做甚麼的。
我就在這種自我安慰的狀態中上了賊車。
「其實教畫的工作也很簡單，你在老師的畫室學了一段日子也知道。」「他教的技巧，大家都很樂意看他示範……」車子才進入大纜隨道，他就露出禽獸的話題：「其實呢，我本嚟有個女朋友，但係最近散咗，我好唔開心。」「你好快就搵到㗎啦。」「其實你會唔會考慮同我拍拖？」「吓，唔好啩，頭先咪拒絕咗你喇咩⋯⋯」他不等我講下去就搶着說：「雖然我結咗婚，又有一個女，但係我不嬲都會Keep多個女朋友。」「你太太同女兒都知㗎？」「佢地唔會知，但我媽批准，佢話男人有幾個女人好正常。所以如果你做我女朋友，你可以名直言順嚟我屋企同我食飯、做愛、過夜，其實同正式嘅女朋友都無分別啫，又唔洗偷偷摩摩去爆房。我個人又細心，都會好錫你嘅。」「Er⋯⋯」「係咪好吸引呢？」「吓，唔好啦，我唔想。」我越聽佢講就越覺得佢煩，但仍然被扣在他的車上，我只是在盤算如何脫身。「其實我真係對你無意思，不如你是旦比我落車算，我自己坐車去上環。」「咁又唔好，我車埋你啦。」我真的不太願意，但我又無乜辦法，唯有轉移話題：「其實你除左畫畫，近來有無其他創作？」「有呀，我有想過儲一批作品再做展覽。」「係喎，我地個師生聯展，每人一兩件展品都睇唔到啲咩……」圍繞畫展的話題順利令我們到達上環，我真係一額汗。
「到了～」「唔係前少少咩？」「係呀，我想等下，睇下studio個窗有無人影閃過。」「做咩？」「無人我地可以上去做。」「吓，唔好啦，我係完全無興趣呀！」「可能換個環境你覺得OK呢，studio而家可能有人，又可能無人，好刺激㗎喎。」我不等他講下去：「講真你都無心請我㗎啦，你扮晒介紹份工比我之嘛，算吧啦，我唔會上去你studio。」我推門下車，他欲言又止，我睇唔到佢有一絲歉意，忍不住便說：「仆街啦你，我實會周圍唱你嘅，廢事你用呢個藉口喺畫班度搞其他同學！」他見事敗後終於怒吼：「屌你呀，八婆，食屎啦你……」我無等佢講完，給他一個🖕就跑。我其實仲驚緊，心諗：「剛才真係好險，好在無比佢𧥺到上studio，否則真係唔知走唔走得甩！益咗佢呢啲仆街就真仆街！」
離開未有案的案發現場，我飛奔到麥記。「夠晒人多了，等我個心定一定先。」我再次自我安慰。我打比M：「唔好意思，你可唔可以嚟麥記接我去你度。」M：「吓，比左酒店地址你都唔識嚟？好啦，我過嚟接你。」我一見到M就抱着她，「剛才嚇死我喇！」我向她講述成件事，她取笑我說：「貪順風賊車，報應呀！」「我諗住我清楚咁拒絕咗佢就無事架啦，講真識左幾年，雖然唔熟，無諗過佢係咁嘅人。」「好多強姦都係比識既人搞㗎，算你好彩！」「我已經保持冷靜！」「下次唔好上呢啲仆街嘅車啦！」「清楚明白！無下次！」
在這晴朗的一天， 下午三四時陽光透入，我們在小酒店房間拍照，成就了一個美好大團圓結局。
photo by @mmomosze
edited by @siuding_ii
#candycrush #feminist #🍭weekly
#甜古
